Беларускі ПЭН і праваабарончы цэнтр «Вясна» ў шорт-лісце прэміі «Цюльпан за правы чалавека»
26 кастрычніка 2022
Прэмія штогод прысуджаецца праваабаронцам ці праваабарончым арганізацыям для падтрымкі іх важнай працы.
Міністэрства замежных спраў Нідэрландаў абвясціла шорт-ліст прэміі «Цюльпан за правы чалавека» 2022. Сёлета ў шорт-лісце Прэміі апынуліся Беларускі ПЭН і праваабарончы цэнтр «Вясна».
«Цюльпан за правы чалавека» — гэта ўзнагарода, якую Міністэрства замежных спраў штогод прысуджае праваабаронцу або праваабарончай арганізацыі за падтрымку іх важнай працы. Пераможца атрымлівае бронзавы цюльпан і 100 000 еўра.
Гэтыя грошы і міжнародная вядомасць, якую стварае прыз, дапамагаюць пераможцу працягваць і пашыраць свае намаганні ў галіне правоў чалавека.
З 80 намінантаў у шорт-ліст «Цюльпана правоў чалавека 2022» былі адабраны 10 кандыдатаў — прыватных асоб і арганізацый з усяго свету. Сярод іншага, яны былі абраныя на аснове ўплыву іх працы на грамадства і іх мужнасць у імкненні прасоўваць правы чалавека, нягледзячы на пагрозы і напады.
Сярод арганізацый у шорт-лісце яшчэ названыя мексіканская праваабарончая арганізацыя Casa Frida, кааліцыя ЛГБТІК+ Венгрыі, тайландская арганізацыя Thai Lawyers for Human Rights і кааліцыя з больш чым 30 украінскіх праваабарончых арганізацый «Украіна ў 5 раніцы».
З 10 кандыдатаў, што пазначаны ў шорт-лісце, незалежнае журы абярэ трох найлепшых. Яны будуць аб’яўлены ў другім тыдні лістапада. Пераможца стане вядомы 8 снежня.
Чытайце яшчэ:
Новости для детской аудитории: как писать?
Экспэрты пра кантроль беларускага інтэрнэту: «„Алісу“ ад „Яндэкс“ цяпер будуць слухаць ня толькі супрацоўнікі ФСБ, але і КДБ»
Прэс-сакратара A1 асудзілі за «фінансаванне экстрэмісцкага фармавання», якога не існавала
@bajmedia
