• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Берасцейскія актывісты праходзяць падазраванымі па справе аб абразе Лукашэнкі

    Брэсцкага актывіста «Еўрапейскай Беларусі» Андрэя Шарэнду, а таксама яго жонку Паліну Шарэнду-Панасюк перавялі ў статус падазраваных па справе аб вывешаным банэры з абразай Аляксандра Лукашэнкі.

    Пра гэта распавёў сам актывіст:

    «Адразу хачу сказаць, што гэтая справа абрастае ўсё больш фантастычнымі падрабязнасцямі. У гэтай фальшыўцы ад уладаў становіцца ўсё больш недарэчных нестыковак. Так, нас з жонкай быццам бы падазраюць паводле адной і той жа справы, але сёння раптам выявілася, што я «абражаў» Лукашэнку 16 лютага, а мая жонка — 17 лютага. Прычым рабілася гэта нібыта намі з дапамогай адной і той жа расцяжкі ў адным і тым жа месцы. Пры гэтым «сведка» заявіў, што расцяжку я вывешваў нібыта сам. Цяпер незразумела: мы паводле адной справы падазраваныя ці паводле розных?

    Зрэшты, усё па парадку. У кабінеце следчага ўжо знаходзіўся той самы лжывы сведка, інакш назваць яго не магу, які агаварыў і маю жонку — Ігар Леанюк. Таксама туды запрасілі студэнтаў з інтэрната, які знаходзіцца па суседстве. Яны былі гадоў на 10—15 малодшымі за мяне і зусім іншай камплекцыі.

    Аднак «сведка» адразу ж заявіў, што «апазнаў мяне па шчацінні» і што гэта нібыта я сам «вывешваў» і сам «фатаграфаваў» расцяжку «Лукашэнка, ты ***! Годзе рабаваць наш народ!».

    Далей ён пачаў блытацца ў датах. Першапачаткова меркавалася, што я нібыта «вывесіў» гэты банер 17 лютага. На пытанне следчага, чым я займаўся ў гэты дзень, я шчыра адказаў: быў на Маршы абураных беларусаў у Менску. Пасля гэтага «сведка» пачаў сцвярджаць, што бачыў, як я «вывешваў» гэтую расцяжку 16 лютага. І так гэта і пайшло ў справу, у якой я ўжо стаў фігураваць як «падазраваны». Проста смешна становіцца ад таго, як яны на хаду пачалі перарабляць гэтую «справу».

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці