Блогера з Шаркаўшчыны Андрэя Буку аштрафавалі на 50 базавых велічыняў

Пра вынік чарговага суда па адміністрацыйнай справе Андрэй Бука напісаў на сваёй старонцы ў Face­book.

Судовы працэс над Андрэем Букам прайшоў 3 лютага ў судзе Шаркаўшчынскага раёна. Інкрымінавалі яму зноў артыкул 24.23 КаАП (Парушэнне парадку арганізацыі і правядзення масавых мерапрыемстваў). Справу вяла суддзя Аксана Табола.

Падставай для пераследу сталі допісы з выявамі беларускай нацыянальнай сімволікі ў сацыяльнай сетцы Mastodon, якія ў сеціве адсачылі супрацоўнікі міліцыі.

Нагадаем, у мінулым годзе Андрэя Буку  ўжо прыцягвалі да адміністрацыйнай адказнасці за «пікетаванне ў інтэрнэце», тады яму прызначылі 5 сутак арышту.