• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Брэсцкі журналіст Яўген Скрабец накіраваў у суд заяву, каб яго справу разглядалі завочна

    На 2 лістапада ў судзе Ленінскага раёна Брэста быў прызначаны разгляд чарговай адміністрацыйнай справы ў дачыненні да журналіста-фрылансера Яўгена Скрабца за супрацоўніцтва з “Радыё Рацыя”.

    Яўген Скрабец

    Як паведаміў Скрабец, яго вінавацяць у парушэнні часткі 2 артыкула 22.9 Кодэкса аб адміністрацыйных правапарушэннях — за супрацоўніцтва з замежным СМІ без акрэдытацыі. Падставай стаў рэпартаж пра супраціў гараджан будаўніцтву акумулятарнага завода ў Брэсце, змешчаны на сайце “Рацыё Рацыя” пад назвай “Па 10 базавых штрафу за налепкі”.

    “Я вырашыў не ўдзельнічаць у гэтым судовым працэсе, бо не спадзяюся на станоўчы вынік для сябе, і таму не хачу губляць час”, — кажа Яўген Скрабец і дадае, што лічыць падобныя працэсы ціскам за прафесійную дзейнасць з боку сілавых структураў.

    Напярэдадні пасяджэння журналіст накіраваў у суд заяву з просьбай разгледзець справу без яго асабістага ўдзелу і пасля паведаміць пра судовае рашэнне.

    З аналагічнымі заявамі ў суд Ленінскага раёна Брэста звярнуліся мясцовыя журналісты Мілана Харытонава і Алесь Ляўчук, якіх таксама вінавацяць за асвятленне на тэлеканале “Белсат” судовых працэсаў у дачыненні да праціўнікаў акумулятарнага завода.

    Нагадаем, што на гэтым тыдні Яўген Скрабец, Мілана Харытонава і Алесь Ляўчук ужо былі пакараныя штрафам на падставе артыкула 22.9 КаАП (“незаконны выраб і распаўсюд прадукцыі СМІ”).

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці