Абвяшчэнне і ўзнагароджанне лаўрэатаў творчага конкурсу ГА “БАЖ” “Вольнае слова” адбудзецца 9 верасня. Цырымонія распачнецца а 14:00 у канферэнц-залі гатэля “BonHotel” (г.Мінск, вул.Прытыцкага, 2).
Конкурс “Вольнае слова” ужо дзявяты раз праводзіўся ГА “Беларуская асацыяцыя журналістаў” з мэтай удасканалення прафесійнага майстэрства супрацоўнікаў СМІ, заахвочвання таленавітых журналістаў, стымулявання іх дзейнасці ў адстойванні прынцыпаў прафесійнай журналістыкі і свабоды слова.
3 мая, у Сусветны дзень свабоды прэсы, журы агучыла сёлетні шорт-ліст. Хто ж стане пераможцам конкурсу, даведаемся 9 верасня а 14 гадзіне. Запрашаем на цырымонію!