Баранавічы: Гарадская выбарчая камісія адмовіла ў інфармацыі журналісту “Intex-press”
8 кастрычніка 2015
Старшыня Баранавіцкай гарадской камісіі па выбарах прэзідэнта Тамара Шукала не прадаставіла інфармацыю незалежнай газеце “Intex-press” пра колькасць выбаршчыкаў, якія датэрмінова прагаласавалі за два дні.
Тамара Шукала заявіла карэспандэнту «IP» Макару Маліноўскаму, што такіх звестак у яе няма.
На пытанне карэспандэнта, як жа цэнтральная і абласная камісіі даведаюцца пра колькасць тых, хто прагаласаваў, старшыня адказала, што не ведае («напэўна, участкі ператэлефаноўваюць»).
Сакратар Цэнтральнай камісіі Мікалай Лазавік таксама не змог дапамагчы журналісту.
«Па рэспубліцы і абласцях у нас лічбы ёсць, а па раёнах, гарадах мы пакуль не збіраем. Гэта ўсё-такі ў Баранавічах у тэрытарыяльнай камісіі павінныя ведаць. Адкуль жа вобласць узяла дадзеныя інфармацыю па гарадах і раёнах?» – здзівіўся Лазавік. І выказаў аптымістычную здагадку, што «ў іх жа на сайце павінныя быць лічбы».
Інфармацыю пра колькасць датэрмінова прагаласаваўшых выбаршчыкаў «Intex-press» атрымала ў Брэсцкай абласной камісіі. Там жа паведамілі, што ўсе дадзеныя яны атрымліваюць не ад участкаў, а ад гарадской тэрытарыяльнай камісіі.
@bajmedia
«Экстрэмісцкі спіс» Мінінфарма: «Новости Беларусь» у сацсетцы «ВКонтакте»
25.10.2024
Анджэя Пачобута змясцілі ў штрафны ізалятар, за 8 месяцаў яму не дазволілі ніводнага спаткання і ніводнай перадачы
08.02.2024
З‑за кратаў выпусцілі Ксенію Луцкіну – былую супрацоўніцу БТ, якая звольнілася адтуль у 2020 годзе на знак пратэсту
20.08.2024
Ці з’яўляюцца агляды блогераў рэкламай? Адказ МАРГ
12.07.2024
