Пасля абвяшчэння збору сродкаў на дапамогу сям’і загінулага журналіста праз офіс ГА “БАЖ” прайшлі дзясяткі людзей.
Далёка не ўсе яны – журналісты альбо грамадскія дзеячы, і далёка не ўсе жывуць у Мінску. Нехта ахвяруе грошы па просьбе знаёмых Паўла, якія з’ехалі за мяжу. Нехта проста прачытаў інфармацыю ў інтэрнэце і вырашыў такім чынам падтрымаць сваякоў загінулага ў іх бядзе.
Збор срокаў працягваўся і 23 ліпеня ў часе развітання з Паўлам.
Сабраную суму супрацоўнікі цэнтральнага офіса ГА “БАЖ” перадалі сябрам сям’і Паўла Шарамета, якія займаліся арганізацыяй пахавання.
