«Экстрэмісцкі» статус атрымаў яшчэ адзін акаўнт незалежнага сайта «Першы рэгіён» у сацыяльных сетках

Рашэнне аб прызнанні «экстрэмісцкімі інфармацыйнымі матэрыяламі» кантэнт акаўнта 1regby ў сацыяльнай сетцы Х (былы Twit­ter) прыняла 5 студзеня суддзя Ленінскага раёна Брэста Ала Вінаградава.

Старонка 1regby належыць рэдакцыі незалежнага рэгіянальнага сайта «Першы рэгіён», але ўжо некалькі гадоў не абнаўлялася: зараз яна мае 25 падпісчыкаў.

Сам сайт «Першы рэгіён», які асвятляе падзеі ў Брэсцкай вобласці, быў прызнаны «экстрэмісцкімі матэрыяламі» яшчэ ў снежні 2021 года, і тады ж быў заблакаваны доступ да яго чытачам на тэрыторыі Беларусі.

Цягам 2022 года ў «экстрэмісцкі» пералік трапілі  Viber-чат з назвай 1RegBY, Telegram-канал «Першы рэгіён», афіляваныя з выданнем акаўнты ў Face­book і Insta­gram.

Паводле падлікаў брэсцкіх праваабаронцаў, з ліпеня 2020 года суды Брэсцкай вобласці прызнавалі забароненымі тыя ці іншыя пратэсныя чаты, каналы, інфармацыйныя сайты (і іншыя месцы ў Інтэрнэце, а яшчэ кнігі) ужо 333 разы.

Чытайце яшчэ:

У Магілёве пасля другога адміністрацыйнага арышту не выйшаў на волю Алесь Сабалеўскі

Plan B звярнуўся да чытачоў па падтрымку

Симпатизируют России, находятся под санкциями. Посмотрели, кто из провластных медийщиков идет на парламентские и местные выборы