Канцэпцыя інфармацыйнай бяспекі: беларуская мова — гарант гуманітарнай бяспекі дзяржавы
13 сакавіка 2019
Беларуская мова, нароўні з канстытуцыйна замацаваным у дзяржаве двухмоўе, садзейнічае павышэнню нацыянальнай самасвядомасці беларускага грамадства і фарміраванню яго духоўнасці. Пра гэта гаворыцца ў адобранай 12 сакавіка Аляксандрам Лукашэнка канцэпцыі інфармацыйнай бяспекі Беларусі. Копія дакумента распаўсюджваецца ў телеграм-каналах. Адна з крыніц Tut.by пацвердзіла, што гэта частка сапраўднага дакумента, другая назвала яго «вельмі падобным».
Фото: Ольга Шукайло, Tut.by
Канцэпцыя таксама патрабуе «далейшай паслядоўнай рэалізацыі дзяржаўнай гістарычнай палітыкі» з тым, каб замацоўваць у Беларусі і за яе межамі «беларускую нацыянальную канцэпцыю гістарычнага мінулага краіны і беларускай мадэлі памяці».
У дакуменце падкрэсліваецца, што для павышэння ўстойлівасці грамадства да «дэструктыўных інфармацыйных уздзеянняў» неабходна захоўваць традыцыйныя фундаментальныя каштоўнасці народа, якія з’яўляюцца адным з асноўных элементаў «забеспячэння яго адзінства і адной з умоў няўхільнага развіцця дзяржавы».
Інфармацыйную палітыку Беларусі прапануецца нацэліць на прасоўванне гуманізму, міралюбнасці, добрасуседства, справядлівасці, узаемадапамогі, моцных сямейных адносін, здаровага ладу жыцця, стваральную працу, прынятыя ў беларускім грамадстве нормы маралі і маральнасці і пазітыўную правасвядомасць.
— У інфармацыйнай сферы ў поўнай меры знаходзяць адлюстраванне роўныя правы ўсіх без выключэння нацыянальнасцяў, якія насяляюць Рэспубліку Беларусь, паважлівае стаўленне да ўсіх традыцыйных рэлігій і веравызнанняў.
Нагадаем, 12 сакавіка прэзідэнт Беларусі правёў нараду з Саветам Бяспекі. На нарадзе абмяркоўвалася новая Канцэпцыя інфармацыйнай бяспекі. Паводле слоў дзяржсакратара Савета бяспекі Станіслава Зася, на наступным тыдні Канцэпцыя інфармацыйнай бяспекі будзе афіцыйна зацверджана і апублікаваная.
Лукашэнку прадставілі Канцэпцыю інфармацыйнай бяспекі Беларусі
@bajmedia
