МЗС Польшчы: Польшча ўвесь час патрабуе вызвалення Анджэя Пачобута
9 студзеня 2023
Суд над Пачобутам меўся пачацца сёння, але яго зноў адклалі – на гэты раз на 16 студзеня.
Польшча ўвесь час патрабуе вызвалення Анджэя Пачобута, запэўніў намеснік кіраўніка польскага МЗС Павeл Яблоньскі. Польскі журналіст знаходзіцца пад арыштам у Беларусі больш за 650 дзён. Суд над ім меўся пачацца сёння, але яго зноў адклалі – гэтым разам да 16 студзеня. Віцэ-міністр Павел Яблоньскі(Paweł Jabłoński) нагадаў, што Анджэй Пачобут з’яўляецца ахвярай пераследу:
- Мы несупынна патрабуем яго неадкладнага вызвалення. Мы прадпрымаем таксама дзеянні, пра якіх я не магу публічна казаць. Падобныя крокі мы рабілі ў дачыненні да іншых асоб, бяспраўна арыштаваных у Беларусі. Не ва ўсіх выпадках яны заканчваліся поспехам. Я запэўніваю – кожны дзень мы дзейнічаем па справе вызвалення Анджэя Пачобута і іншых палітвязняў у Беларусі.
Анджэй Пачобут быў арыштаваны ў сакавіку 2021 года. Яго вінавацяць у нібыта «распальванні нацыянальнай варожасці». КДБ Беларусі ўнёс яго ў спіс асобаў, якія «ажыццяўляюць тэрарыстычную дзейнасць».
Чытайце яшчэ:
«Дарагая дзяржаўная прапаганда». Адзін дзень вяшчання БТРК абыходзіцца ў 330 тысяч рублёў!
Лукашенко потребовал создать в Союзном государстве «мощный и современный медиахолдинг»
У Мінску пачаўся суд па справе TUT.BY
@bajmedia
Вольга Класкоўская: Я асвяжыла пачуцці і апынулася зноўку за кратамі
20.11.2023
Яўгена Перліна зноў атакуюць праўладныя журналісты — на гэты раз пасля паста ў Instagram
23.02.2024
Міністэрства інфармацыі заблакавала доступ да сайту праекту «Медыякрытыка»
05.07.2023
Архіў сайтa холдынга «Культура і Мастацтва» стаў недасяжным для наведвальнікаў
18.06.2024
