У Таліне 25 кастрычніка распачала працу Канферэнцыя грамадзянскай супольнасці Усходняга партнёрства. Беларусь прадстаўляюць два дзясяткі асобаў, у тым ліку старшыня ГА "Беларуская асацыяцыя журналістаў" Андрэй Бастунец.
Тэма канферэнцыі — "Рэальныя вынікі для людзей: перспектывы Усходняга партнёрства да 2020 года і надалей". канферэнцыя парводзіцца раз на два гады і з’яўляецца паралельным мерапрыемствам Саміта Усходняга партнёрства.
Сярод тэмаў, якія сёлета будуць абмяркоўваць, — роля грамадзянскай супольнасці ў развіцці кампетэнтнасці сродкаў масавай інфармацыі і ў барацьбе з дэзінфармацыяй, урад і супрацоўніцтва з грамадзянскай супольнасцю, дэмакратычнае кіраванне, электронныя рашэнні ў рамках празрыстага кіравання.