Яшчэ чатыры віцебскія тэлеграм-каналы прызнаны экстрэмісцкімі
29 красавіка 2021
Экстрэмісцкімі прызнаныя тэлеграм-каналы "Орша 97%", "Наваполацк і Полацк 97%", "Партызаны", "Vitebsk_Юг". Такое рашэнне 27 красавіка прыняў суд Чыгуначнага раёна Віцебска.
Паводле прэс-службы ўпраўлення ўнутраных спраў Віцебскага аблвыканкама, гэтыя тэлеграм-каналы публікавалі “паведамленні з заклікамі перашкодзіць законнай дзейнасці дзяржаўных органаў, падбухторвалі да масавых беспарадкаў, вандалізму, блакавання руху на аўтамабільных трасах і чыгуначных шляхах. Матэрыялы дадзеных каналаў ўтрымлівалі пагрозы прымянення гвалту і пашкоджання маёмасці прадстаўнікоў органаў дзяржаўнай улады, у тым ліку супрацоўнікаў органаў унутраных спраў, суддзяў. Карыстальнікі пакідалі абразлівыя каментары, якія распальваюць варожасць па палітычных і ідэалагічных матывах”.
Паведамляецца, што міліцыя Віцебскай вобласці праводзіць аператыўна-вышуковая мерапрыемствы па высвятленні асоб, якія адмініструюць экстрэмісцкія Telegram-каналы, і праверку датычнасці гэтых рэсурсаў да арганізацыі экстрэмісцкай і пратэстнай дзейнасці.
Месяц таму той самы суд Чыгуначнага раёна прызнаў экстрэмісцкімі тэлеграм-каналы «Витебск 97%» і «Чат невероятного Витебска». Віцебскай грамадскасці не паведамляюць, якія менавіта публікацыі падаліся небяспечнымі, і хто канкрэтна ініцыяваў судовыя працэсы па прызнанні ўсіх шасці тэлеграм-каналаў экстрэмісцкімі. Але за рэпосты паведамленняў з гэтых рэсурсаў прадугледжана адміністрацыйная адказнасць.
@bajmedia
Каталіцкае радыё ў Беларусі можа страціць дом, у якім зараз працуе
10.04.2024
В Польше заявили о процессе ликвидации общественных СМИ. Их называли рупором пропаганды прежней власти
27.12.2023
Пасля ўдзелу ў праграме «Белсата» Аляксандра Корнышава ў яго бацькоў правялі ператрус
29.04.2024
Пракуратура прызнала, што газета «Лепельскі край» распаўсюджвала «экстрэмісцкія» матэрыялы
15.08.2024
