Зміцер Лупач у рэанімацыі. Пасля суда ў журналіста здарыўся гіпертанічны крыз
11 мая 2020
10 сутак арышту і 45 велічыняў штрафу прызначыў суддзя Глыбоцкага раённага суда Андрэй Тарасевіч журналісту з Глыбокага Змітру Лупачу. Яго судзілі 11 траўня паводле двух артыкулаў Адміністрацыйнага кодэкса — ч. 2 арт. 22.9 (“Незаконны выраб і распаўсюд прадукцыі СМІ”) і ч. 1 арт. 23.34 (“Парушэнне парадку арганізацыі альбо правядзення масавых мерапрыемстваў”).
Пасля перапынку ў судзе да Змітра прыехаў адвакат. Ён знайшоў шмат хібаў у справах і папрасіў суддзю адправіць іх на дапрацоўку, але суддзя быў непахісны і агучыў свой вердыкт.
Пасля сканчэння судовага слухання Змітра Лупача каля будынка суда чакалі міліцыянты. У іх на руках ужо была завераная пастанова суда, хоць сам Зміцер яе пакуль так і не атрымаў.
Журналісту стала дрэнна ў будынку суда, жонка памерала яму ціск — ён быў высокі, тады яна выклікала хуткую. Фельчар хуткай дапамогі пацвердзіла, што ў Змітра гіпертанічны крыз. Журналіста адвезлі ў Глыбоцкую раённую бальніцу. Карэту хуткай дапамогі суправаджаў міліцэйскі аўтамабіль.
Паводле слоў жонкі Змітра Лупача, пасля прыбыцця ў лякарню яго паклалі ў рэанімацыю.
Абнаўленне: Змітра Лупача выпісалі з рэанімацыі. У панядзелак яго зноў садзяць “на суткі”
Стартовал сбор средств для арестованных журналистов. Присоединяйтесь!
ГА «БАЖ» патрабуе вызваліць калег і перагледзець адміністрацыйныя справы. ЗАЯВА
@bajmedia
Кнігу «Мова 404» выдалі анлайн. Будуць пераклады на англійскую, нямецкую і расейскую
16.04.2024
Святлана Ціханоўская: «Мы – голас беларускіх палітвязняў, і нам нельга маўчаць ні дня»
21.05.2024
У Магілёве затрымалі былога відэааператара Яўгена Глушкова
15.01.2024
Беларусы сталі менш глядзець тэлевізар
27.06.2024
