• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Дыпломы “За адданасць прафесіі” атрымалі журналісты-фрылансеры Кастусь Жукоўскі і Наталля Крывашэй

    8 верасня, у Міжнародны дзень салідарнасці журналістаў, Гомельская філія ГА “БАЖ” падвяла вынікі конкурсу “За адданасць прафесіі”.

    У конкурсе ўдзельнічалі сябры ГА “БАЖ” з Брэста, Гомеля, Мінска.

    Арганізатары творчага спаборніцтва адзначылі злабадзённасць конкурсных публікацый і відэаматэрыялаў, а таксама тое, якіх высілкаў каштавала журналістам іх падрыхтоўка. З найбольшымі перашкодамі пры асвятленні розных сацыяльных тэмаў сутыкнуліся гомельскія журналісты-фрылансеры Кастусь Жукоўскі і Наталля Крывашэй.

    Куды б ні паехалі фрылансеры з відэакамерай – у Рэчыцкі, Нараўлянскі, Лоеўскі, Буда-Кашалёўскі, Рагачоўскі раёны, – іх амаль паўсюдна пераследавала міліцыя альбо наўздагон складала адміністрацыйныя пратаколы пра нібыта “незаконны выраб прадукцыі СМІ” (працу без акрэдытацыі на спадарожнікавы тэлеканал “Белсат”).

    Кастуся Жукоўскага сёлета судзілі 7 разоў (6 – па арт. 22.9 КаАП, 1 – па арт. 23.34 КаАП),  Наталлю Крывашэй – 4 разы. Агулам яны мусяць сплаціць у бюджэт 55, 8 мільёна рублёў. “Своеасаблівым грашовым аброкам на свабоду слова” назваў такія штрафы адзін з брэсцкіх намінантаў на дыплом “За адданасць прафесіі”.  

    “За ўганараванне дыпломам Жукоўскага і Крывашэй прагаласавала большасць удзельнікаў сходу філіі. Адзін сябар быў супраць, яшчэ адзін устрымаўся. Перавагу аддалі гомельскім вылучэнцам таму, што яны пры выкананні прафесійных абавязкаў сапраўды зведвалі перашкоды, годна іх пераадольвалі, праявілі мужнасць, адстойваючы свае правы на прафесійную дзейнасць. Гэта адна з адметнасцяў і ўмоваў нашага конкурсу”, – кажа старшыня Гомельскай філіі ГА “БАЖ” Анатоль Гатоўчыц.

    У папярэднія гады дыпломамі “За адданасць прафесіі” ўганароўвалі незалежных журналістаў Таццяну Бублікаву і Алега Ражкова, Ларысу Шчыракову, Анатоля Санаценку, Мікалая Бянько і Юлю Сівец, Аляксандра Баразенку.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці