Дзяржаўная прэса друкуе абноўлены спіс экстрэмісцкіх матэрыялаў
17 сакавіка 2016
“Звязда” 16 сакавіка апублікавала “Рэспубліканскі спіс экстрэмісцкіх матэрыялаў”. Акрамя ўжо вядомых фігурантаў (кшталту альбома “Прэс-фота Беларусі-2011”), у спісе прысутнічаюць спасылкі на некаторыя сайты, старонкі Вконтакте, Facebook, Twitter, Youtube, а таксама маркі, манеты, брошка і нават сервіз з 21 прадмета.
Закон РБ «Аб супрацьдзеянні экстрэмізму» дзейнічае з пачатку 2007 года. Паводле арт. 1 закона, пад паняцце экстрэмізму падпадае не толькі дзейнасць, накіраваная на гвалтоўнае змяненне канстытуцыйнага ладу альбо захоп улады неканстытуцыйным шляхам, але і распальванне расавай, нацыянальнай, рэлігійнай, сацыяльнай варожасці, прыніжэнне нацыянальнага гонару і годнасці, арганізацыя і ажыццяўленне масавых беспарадкаў і г.д. Экстрэмісцкія матэрыялы — гэта інфармацыйная прадукцыя, якая ўтрымлівае заклікі да экстрэмісцкай дзейнасці, прапагандуе яе, прызначаная для распаўсюду і прызнаная экстрэмісцкімі матэрыяламі па рашэнні суда.
Паводле арт. 14 Закона «Аб супрацьдзеянні экстрэмізму», копія судовага рашэння аб прызнанні інфармацыйнай прадукцыі экстрэмісцкай накіроўваецца ў Міністэрства інфармацыі для «ўключэння такой інфармацыйнай прадукцыі ў рэспубліканскі спіс экстрэмісцкіх матэрыялаў, які падлягае апублікаванню ў СМІ». Паводле гэтага ж артыкулу, змест інфармацыйнай прадукцыі, уключанай у такі спіс, не разгалошваецца.
@bajmedia
Вялікабрытанія і ЗША запатрабавалі ад Беларусі перастаць рэпрэсаваць журналістаў
05.05.2024
«Нагадваць пра беларускіх журналістаў за кратамі і наогул пра ўсіх нашых палітвязняў». Відэа Акцыі салідарнасці
08.05.2024
Еўрапейская федэрацыя журналістаў звярнулася да міністаркі юстыцыі Сербіі з просьбай спыніць экстрадыцыю Андрэя Гнёта
08.07.2024
Каманда Нехта запусціла свой сайт. На ім пакуль няма беларускай павесткі
06.03.2024
