ГА “БАЖ” пачало маніторынг асвятлення парламенцкіх выбараў у беларускіх СМІ
5 ліпеня 2016
Грамадскае аб'яднанне "Беларуская асацыяцыя журналістаў" пачало маніторынг асвятлення парламенцкіх выбараў у беларускіх СМІ. Эксперты арганізацыі будуць сачыць за тым, наколькі роўныя магчымасці будуць мець у СМІ кандыдаты і іншыя ўдзельнікі выбарчага працэсу.
Маніторынг скіраваны на тое, каб павысіць у журналісцкай супольнасці і ў выбаршчыкаў разуменне неабходнасці поўнага і ўсебаковага асвятлення выбарчага працэсу; важнасці прынцыпаў журналісцкай этыкі і міжнародных стандартаў; неабходнасці выканання абавязку непрадузята інфармаваць выбаршчыкаў пра электаральны працэс, праграмы кандыдатаў і меркаванні іх прыхільнікаў і апанентаў.
Аб’ектамі даследавання стануць цэнтральныя і рэгіянальныя тэле- і радыёканалы, друкаваныя выданні і вядучыя інтэрнэт-сайты. Вынікі першага этапу маніторынгу будуць агучаныя на прэс-канферэнцыі ГА «БАЖ» ў аўторак 26 ліпеня.
Раней арганізацыя ўжо праводзіла падобныя даследаванні на прэзідэнцкіх выбарах 2010 і 2015 гадоў, парламенцкіх кампаній 2008 і 2012 гадоў, а таксама мясцовых выбараў 2007 года.
@bajmedia
КПЧ ААН зарэгістраваў скаргу на незаконную ліквідацыю БАЖ
31.07.2024
«Мужная праца беларускіх журналістаў». БАЖ узнагародзілі прэміяй Усходняга партнёрства
14.11.2023
Акцыі ў падтрымку Андрэя Гнёта прайшлі ў розных гарадах Еўропы
26.08.2024
У Віцебскім абласным судзе зноў будзе разбіральніцтва па справе Вячаслава Лазарава і Таццяны Пыцько
03.06.2024
