• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Галоўны рэдактар «СБ»: Настаўнікам карысна чытаць дзяржаўную прэсу

    Новы галоўны рэдактар «Советской Белорусіі» Дзмітрый Жук патлумачыў сваё стаўленне да прымусовай падпіскі. У эфіры «Клуба рэдактараў» на «Беларусь-1» ён адказаў на адкрыты ліст пісьменніцы Яўгеніі Пастарнак, апублікаваны на сайце «Нашай Нівы».

    https://baj.media/sites/default/files/event/text-images/zuk-tadvc.jpg

    «Паважаная Яўгенія Барысаўна. Па-першае, не трэба на ноч палохаць людзей. Я не ведаю ніводнага настаўніка, звольненага за падпіску — адмову альбо не адмову. Па-другое.

    Як журналіст, чалавек і грамадзянін катэгарычна перакананы, што людзям, нанятым на працу дзяржавай, карысна чытаць дзяржаўную прэсу.

    Тым больш настаўнікам — тым, хто павінен чытаць шмат і рознага. Як карыстацца, кожны для сябе вырашыць.

    А тое, што дзяржава прасоўвае менавіта свае выданні, што ж тут дзіўнага. Гэта, па-мойму, нармальна.

     

    І яшчэ, мне проста дзіўна: за апошнія паўтара года на старонках «Советской Белорусіі» выйшлі парадку 10 публікацый, якія расказвалі пра вашы кнігі, пра вашу пазіцыю па розных пытаннях. Што ў гэтым дрэннага, калі гэта прачытаюць настаўнікі?»

    «Пчолы супраць мёду!» — засмяяўся былы старшыня Белтэлерадыёкампаніі Генадзь Давыдзька.

    Былы рэдактар «Советской Белорусіі» Павел Якубовіч падтрымаў Жука:

    «Гэта стандартнае і даволі прымітыўнае абвінавачванне пра тое, што настаўнікам навязваюць. Настаўнікам выдзяляюцца сродкі для падпіскі на прэсу.

    І паверце, калі настаўнік выпіша «Советскую Белоруссію», то гэта яго перавага. Ён можа выпісаць, напрыклад, «Настаўніцкую газету», а не выпісаць «Советскую Белоруссію». Таму настаўнік робіць выснову, што яму цікавей. Але на яго бедны заробак дзяржава ні ў якім разе не прэтэндуе».

    Паводле афіцыйнай інфармацыі, штодзённы наклад «Советской Белоруссіі» перавышае 400 тысяч асобнікаў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці