Гомельскіх журналістаў вызвалілі праз 3 гадзіны пасля затрымання
28 ліпеня 2015
Супрацоўнікі міліцыі заявілі, што сябра ГА “Беларуская асацыяцыя журналістаў” Кастусь Жукоўскі нібыта пагражаў ім, і ўзялі тлумачэнні з гэтай нагоды ў карэспандэнтаў.
Незалежных журналістаў Кастуся Жукоўскага і Наталлю Крывашэй затрымалі 29 ліпеня на ганку Цэнтральнага РУУС Гомеля, перад якім меў адбыцца пікет мясцовых жыхароў.
Міліцыянты склалі пратаколы апытання абодвух журналістаў з нагоды таго, што адзін з іх – Кастусь Жукоўскі – нібыта пагражаў ім.
Самі ж сябры ГА “Беларуская асацыяцыя журналістаў” катэгарычна абверглі такія абвінавачанні і заявілі, што патрабавалі выканання заканадаўства. Яны адзначылі гэта і ў пратаколах апытання.
Прыкладна праз тры гадзіны журналістаў вызвалілі, тэхніку ў іх не забіралі. Сябры ГА “Беларуская асацыяцыя журналістаў” называюць затрыманне правакацыяй.
Журналісты маюць намер накіраваць у пракуратуру скаргі на незаконныя дзеянні супрацоўнікаў міліцыі.
@bajmedia
Паведамляецца пра ператрус у галоўнага рэжысёра Віцебскай тэлерадыёкампаніі
01.12.2023
Анджэй Пачобут застаецца без неабходных яму лекаў і знаходзіцца ў ізаляцыі
26.10.2023
Прысуд Паўлу Мажэйку застаўся без зменаў. Днямі яго этапуюць у калонію
17.10.2023
Журналіст Анджэй Пачобут стаў ганаровым грамадзянінам Варшавы
21.06.2024
