• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Гомельскія БАЖаўцы падвялі вынікі года

    Гомельская філія ГА “БАЖ” 12 снежня падвяла на сходзе вынікі сёлетняй працы і вызначыла некаторыя накірункі дзейнасці ў 2016 годзе.

    Цікавасць у журналістаў выклікалі прэс-туры, арганізаваныя філіяй у Палескі дзяржаўны радыяцыйна-экалагічны запаведнік і на народнае свята “Русалле” ў вёсцы Вялікі Бор Хойніцкага раёна – у іх узялі ўдзел не толькі гомельскія журналісты, але і сябры БАЖ з Мінскай, Брэсцкай  ды Магілёўскай абласцей. 

    Ладзіліся майстар-класы па фотажурналістыцы, падрыхтоўцы інтэрв’ю з цяжкімі суразмоўцамі.

    У верасні падвялі вынікі конкурса “За адданасць прафесіі”, у якім узялі ўдзел і сябры ГА “БАЖ” з Брэста і Мінска. Конкурс набыў статус міжрэгіянальнага.

    Да 20-годдзя  БАЖу ў Гомелі ладзілі вечарыну з запрашэннем мясцовых бардаў – Вальжыны Цярэшчанкі і Змітра Вінаградава.

    Філія падтрымлівала сваіх чальцоў у судах, якія адбываліся паводле адміністрацыйных пратаколаў, складзеных супрацоўнікамі міліцыі нібыта за незаконны выраб прадукцыі СМІ. Скаргі Міколы Бянько і Ларысы Шчыраковай накіравалі ў Камітэт ААН па правах чалавека, паколькі яны вычарпалі сродкі прававой абароны ўнутры Беларусі.

    У планах філіі на наступны год – цікавыя прэс-туры, варштаты дзеля павышэння прафесійнага майстэрства журналістаў.

    Пасля сходу адбылася сустрэча з юрыстам Аляксандрам Жуком, які распавёў пра  прававыя і гаспадарчыя аспекты фрыланс-журналістыкі.

    Лунінецкая філія БАЖ прааналізавала працу за год

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці