Ігар Бузоўскі прызначаны намеснікам міністра інфармацыі

Да сённяшняга дня ў міністра інфармацыі Беларусі Аляксандра Карлюкевіча быў толькі адзін намеснік — Павел Лёгкі.

Ігар Бузоўскі даволі даўно знаходзіцца ў вертыкалі ўлады.

Так, у 2010 годзе ён узначаліў БРСМ, а да таго пяць год працаваў у ідэалагічным упраўленні адміністрацыі Лукашэнкі. Ён прабыў на пасадзе да снежня 2014 году — затым на два гады стаў намеснікам старшыні адміністрацыі Лукашэнкі і нефармальным «галоўным ідэолагам», але быў звольнены з фармулёўкай «у сувязі з пераходам на іншую працу». На новую пасаду перайшоў толькі праз чатыры месяцы — быў прызначаны кіраўніком адміністрацыі Цэнтральнага раёна Мінска.