Кандыдат ад АГП правядзе пікет у абарону незалежных СМІ і свабоды слова

— Мы вырашылі правесці такі пікет, бо сёння заблакавалі “Хартыю”, а заўтра кляп у рот засунуць кожнаму з нас, — гаворыць прэс-сакратарка АГП Ганна Красуліна.

— Наша пазіцыя, што незалежныя СМІ павінны быць свабоднымі, а цэнзура цалкам выключана. Мы заўсёды прытрымліваліся і прытрымліваемся гэтай пазіцыі, а мясцовыя выбары даюць нам магчымасць без перашкодаў выйсці з лозунгамі ў абарону свабоду слова на вуліцу, — гаворыць Красуліна.

Пікет пройдзе 27 студзеня аб 11 гадзіне на пляцоўцы перад Камароўскім рынкам.