AI чытае вашу пошту. Але гэта можна змяніць

Большасць людзей, якія карыстаюцца Chat­G­PT, Gem­i­ni і Claude, не ведаюць адной важнай рэчы: гэтыя сэрвісы па змаўчанні захоўваюць вашы перапіскі і могуць выкарыстоўваць іх для навучання сваіх мадэляў. Тры налады і сітуацыя мяняецца. Як гэта зрабіць, расказвае аўтар тэлеграм-канала пра ШІ для НДА і актывістаў АI.Sector.

Уявіце: вы пішаце ў Chat­G­PT пра канфідэнцыяльны праект, кантакты крыніц, стратэгію арганізацыі. Здаецца, гэта асабістая размова. Але ці сапраўды яна застаецца між вамі?

Адказ залежыць ад таго, ці правяралі вы налады прыватнасці, бо па змаўчанні яны наладжаныя на карысць сэрвісу, а не на карысць вас.

Навучанне на вашых дадзеных

Усе тры платформы (Chat­G­PT, Gem­i­ni і Claude) могуць выкарыстоўваць вашыя чаты для паляпшэння сваіх мадэляў. Дадзеныя пры гэтым анімізуюцца, але «анімізацыя» не тое ж самае, што поўная ананімнасць. Фрагменты перапісак бачаць сапраўдныя людзі, рэв’юеры, трэнеры мадэляў.

Як адключыць:

• Chat­G­PT → Set­tings → Data Con­trols → выключыць Improve the mod­el for every­one;
• Gem­i­ni → меню → Set­tings & help → Activ­i­ty → Keep Activ­i­ty → Turn off;
• Claude → Set­tings → Pri­va­cy → выключыць Help improve Claude.

Займае менш за хвіліну. Рабіце гэта адразу пасля рэгістрацыі.

Выдалены чат —  не зніклы чат

Калі вы выдаляеце гісторыю размоў, дадзеныя не сціраюцца імгненна, яны яшчэ нейкі час застаюцца на серверах. «Часовы рэжым» у Chat­G­PT і Gem­i­ni не захоўвае гісторыю і не трэніруе мадэлі, але і ён не дае стоадсоткавай нябачнасці.

Поўнага «рэжыму інкогніта» ў гэтых сэрвісах проста не існуе.

Як скараціць тэрмін захоўвання ў Gem­i­ni: Set­tings → Activ­i­ty → Delet­ing activ­i­ty old­er than → выбраць 3 месяцы.

Gemini бачыць ваш Google-акаўнт

Gem­i­ni па змаўчанні мае доступ да ўсяго Google Work­space: Gmail, Dri­ve, Docs, Sheets. Калі ў вас ёсць папкі з шырокім доступам, Gem­i­ni іх бачыць і выкарыстоўвае як кантэкст для адказаў.

Як праверыць і абмежаваць: Gem­i­ni Set­tings → Apps.

У Chat­G­PT і Claude таксама варта перыядычна правяраць падключаныя дадаткі: Set­tings → Con­nect­ed apps.

Адно правіла важнейшае за ўсе налады

Нават калі вы ўсё адключылі, не ўводзьце ў чат паролі, кантакты сакрэтных крыніц і канфідэнцыяльную інфармацыю. ШІ-сэрвіс гэта не скрынка з замком. Гэта інструмент, з якім вы размаўляеце праз сервер чужой кампаніі.

Тры хвіліны на налады, і вы ўжо значна больш абаронены, чым большасць карыстальнікаў.