• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Бажынкі-2014»: «Медыямарафон», «Аngry JAB», яйкі, катамараны і Валерый Шчукін

    8-9 жніўня па Гомелі і яго ваколіцах пракаціўся карпаратыўны фестываль ГА “Беларуская асацыяцыя журналістаў”.

    На сёлетні фэст запісалася каля трох дзесяткаў адважных і нястомных БАЖаўцаў з Мінска, Брэста, Маладзечна, Горак, Барысава, Глыбокага і Баранавічаў, якія палічылі, што адлегласці не павінныя перашкаджаць жуналісцкаму яднанню. Адвагу і нястомнасць прадэманстравалі не толькі лёгкія на пад’ём маладзёны, але і заслужаныя БАЖаўцы сталага веку – Валерый Аляксеевіч Шчукін, напрыклад, запісаўся на фэст адным з першых.

    Першы з двух насычаных дзён распачаўся “Медыямарафонам” па Гомелі: на працягу чатырох гадзін пяць журналісцкіх каманд гойсалі па абласным цэнтры, рыхтуючы матэрыялы на зададзеную “штабам” тэму.

    Вынікі творчасці арганізатары ўвечары накіравалі на суд прадстаўнічага журы ў складзе Людмілы Атчанашанка, Аляксандра Тамковіча, Аляксандра Коктыша, Сяргея Балая і Змітра Лукашука, якое ацаніла творчасць калег па 5‑бальнай сістэме і вызначыла пераможцаў. (Вынікі “Медыямарафона” падводзіліся ў суботу.)     

    Добра папрацаваўшы, “марафонцы” перайшлі да якаснага адпачынку.

    Лагодныя рачныя хвалі, маляўнічы краявід, гомельскія прысмакі і феерычныя выступы гурта «Ягорава Гара» і Вольгі Цярэшчанка ў месяцовым святле дапамаглі стрэсці дзённую стому і адкрылі «другое дыханне», так што спаць клаліся позна…

    Другі дзень быў не менш насычаны: адразу ж пасля сняданку пачаліся спартовыя і… каляспартовыя мерапрыемствы.

    Пасля вясёлых спаборніцтваў каманды пачалі рыхтавацца да прэзентацыі. Кожная мусіла прыдумаць сабе назву, сімвал і дэвіз, а таксама распавесці калегам, як ім разам працавалася ў палявых умовах днём раней.    

    Пасля прэзентацыі надышоў час узнагародаў. Паводле журы, самы ўдалы матэрыял атрымаўся ў каманды Таццяны Смоткінай, Настассі Роўда, Руслана Гарбачова і Барыса Гарэцкага, якія даследавалі асартымент прадуктаў на гомельскіх рынках (куратарам ад Гомеля выступаў Мікалай Гарбачоў). ЧЫТАЦЬ МАТЭРЫЯЛ

    На другім месцы апынулася каманда Ларысы Шчыраковай, Алега Агеева, Антона Сурапіна і Ігара Дароніна (куратарам ад Гомеля выступаў Леанід Судаленка). Яна шукала ў Гомелі мясцовую цікавостку – шакаладныя пяльмені. ЧЫТАЦЬ МАТЭРЫЯЛ

    Трэцяе месца заняла каманда Галіны Буднай, Аляксандра Зянкова, Валянціна Міхальцова і Генадзя Кеснера (куратарам ад Гомеля выступаў Яўген Якавенка). Каманда, праўда, змяніла зададзеную тэму – замест гомельскіх скейтбардыстаў, якіх з‑за гарачыні ў горадзе не знайшлося, журналісты распыталі пра жыццё бабульку, якая зарабляе вулічным граннем на гітары… лямпачкай. ЧЫТАЦЬ МАТЭРЫЯЛ

    Акрамя гэтага, па традыцыі шляхам апытання ўдзельнікаў былі вызначаныя “Містэр БАЖынкі” і “Міс БАЖынкі” – Анатоль Гатоўчыц і Ларыса Шчыракова, а таксама “Віцэ-містэр”, і “Віцэ-міс” – Яўген Валошын і Настасся Роўда. Як заўжды, хлопцы выбіралі “Міс”, а дзяўчаты – “Містэраў”.

    Як зазначыў на развітанне кіраўнік Гомельскай філіі ГА “БАЖ” Анатоль Гатоўчыц, варта часцей праводзіць “БАЖныя” мерапрыемствы ў рэгіёнах. “Вось у наступным годзе – зноў Гомель, а пасля ўжо можна і іншыя месцы апрабаваць”, – бадзёра рэзюмаваў гасцінны гаспадар.      

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Телеграм‑бот «Глаз бога» и «Магнит». Как милиционеры пробивают телефонные номера, почты и адреса беларусов

    Чтобы узнать, что у вас есть «безопасная» почта, вычислить адрес, куда вам привозят доставку еды (на квартиру, о которой никто не знает?) или в каких городах вы были, когда оплачивали сервисы в интернете — можно не отбирать ваш телефон или карту. Милиционеры пользуются ботами, которые уже собрали всю эту информацию — например, «Глаз бога». «Медиазона» вместе с «Киберпартизанами» рассказывает, как устроен бот.
    07.09.2023
    Акцэнты

    Какую информацию о нас хранят телеграм‑боты, чем они опасны и как удалить их из аккаунта? Отвечают эксперты

    Какие данные хранят о пользователях телеграм-боты? Как правильно удалить их из своего аккаунта? Как отличить настоящий бот от фейкового? «Медиазона» отвечает на эти вопросы вместе с разработчиком партизанского телеграма и одним из участников объединения «Киберпартизаны».
    21.08.2023
    Акцэнты

    Часта працуеце з чужым болем? Сабралі парады, як расказваць важныя гісторыі і не шкодзіць сабе і героям

    29.02.2024
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці