Гранты да 30 000 долараў для дакументальных фотапраектаў (дэдлайн — 12 кастрычніка)

Фота: Peter Olexa / pexels.com

Для каго: фатографы(-кі) і візуальныя творцы ад 18 гадоў, якія працуюць з дакументальнай фатаграфіяй, фотажурналістыкай або мультымедыйнымі праектамі. Падавацца можна з любой краіны — міжнародныя заяўкі вітаюцца. Прафесійны статус не абавязковы: падавацца могуць і не прафесійныя фатографы(-кі).

Студэнты(-кі) не могуць падавацца на гэты грант — для іх ёсць асобны W. Eugene Smith Stu­dent Grant.

Асаблівую ўвагу надаюць працам, якія:

• спрыяюць сацыяльным зменам;
• выкарыстоўваюць новыя тэхналогіі і спосабы распаўсюду выяваў;
• злучаюць традыцыю фатаграфіі і сацыяльных зменаў з сучаснай практыкай;
• працуюць з важнымі тэмамі чалавечага досведу — гуманітарнымі, культурнымі, сацыяльнымі, экалагічнымі, навуковымі, медыцынскімі, палітычнымі або звязанымі з узброенымі канфліктамі.

Грант прызначаны для таго, каб пачаць працу над фатаграфічным праектам або завяршыць здымку ўжо існага. Калі фатаграфічная частка ўжо завершаная і засталіся толькі рэдагаванне, падрыхтоўка выставы або кнігі, такі праект не падыходзіць. Калабаратыўныя заяўкі прымаюцца. Адзін чалавек можа падаць толькі адну прапанову.

Фінансавыя ўмовы:

• галоўны грант — 30 000 USD;
• два дадатковыя гранты для фіналістаў(-ак) — па 10 000 USD.

Выплата адбываецца часткамі:

• для галоўнага гранта: 24 000 USD пасля атрымання гранта і 6 000 USD пасля перадачы 12 лічбавых выяваў і 12 прынтаў цягам 18 месяцаў;
• для грантаў фіналістаў(-ак): 8 000 USD пасля атрымання гранта і 2 000 USD пасля перадачы 12 лічбавых выяваў цягам 18 месяцаў.

Атрымальнікі(-цы) таксама павінны падаць фінальную справаздачу пра выкарыстанне гранта.

Важныя ўмовы:

Выявы і прынты, перададзеныя пасля атрымання гранта, стануць часткай W. Eugene Smith Lega­cy Col­lec­tion у Inter­na­tion­al Cen­ter of Pho­tog­ra­phy. Атрымальнікі(-цы) падпішуць Deed of Gift, які дае Smith Fund і ICP невыключную ліцэнзію на некамерцыйнае выкарыстанне гэтых работ у выставах, публікацыях і іншых матэрыялах, звязаных з фондам або ICP.

Для заяўкі патрэбныя:

• біяграфія да 1 500 знакаў з прабеламі;
• CV да 2 000 знакаў з прабеламі — або PDF любой даўжыні;
• апісанне праекта да 2 000 знакаў з прабеламі;
• праектная прапанова да 3 000 знакаў з прабеламі;
• да 40 выяваў;
• аплата рэгістрацыйнага ўнёску.

Выявы павінны прадстаўляць праект, на які вы падаецеся. Калі праект новы, можна дадаць папярэднія працы, выразна пазначыўшы іх як past work, каб паказаць сваё бачанне і здольнасць рэалізаваць заяўлены праект.

Важна: выявы, згенераваныя AI, не прымаюцца.

Кошт падачы: 50 USD. Калі заяўнік(-ца) не можа аплаціць унёсак, можна звярнуцца па fee waiv­er да адной з партнёрскіх арганізацый Smith Fund.

Адбор: Заяўкі ацэньвае міжнароднае журы з трох чалавек. Спачатку журы разглядае заяўкі, прапановы і фатаграфіі і выбірае фіналістаў(-ак). Фіналісты(-кі) атрымаюць магчымасць дапрацаваць прапановы і адказаць на пытанні журы. Пасля другога разгляду будуць выбраныя атрымальнік(-ца) галоўнага гранта, атрымальнік(-ца) fel­low­ship і фіналіст(-ка).

Дэдлайн падачы заявак: 12 кастрычніка 2026 года.

ПАДРАБЯЗНАСЦІ І РЭГІСТРАЦЫЯ