Конкурс «Прэс-фота Літвы 2025» (дэдлайн — 7 лютага)

Адкрыты прыём заявак на XXIV Нацыянальны конкурс «Прэс-фота Літвы 2025» (LSF2025).

Удзельнічаць у конкурсе могуць прафесійныя фатографы, якія пражываюць у Літве і публікуюць фатаграфіі ў друкаваных або інтэрнэт-СМІ. Пры рэгістрацыі неабходна ўказаць СМІ, у якім апублікаваныя фатаграфіі.

Таксама ёсць асобная адкрытая катэгорыя для фатографаў-аматараў, удзельнічаць у якой могуць усе жадаючыя. Яе тэма — «Жыццё». Арганізатары чакаюць у гэтай намінацыі візуальных гісторый, якія натхняюць, хвалююць, выклікаюць пытанні і даказваюць, што фатаграфія — адзін з найважнейшых сродкаў самавыяўлення ў грамадстве.

На конкурс прымаюцца фатаграфіі, зробленыя ў 2024 годзе (за выключэннем катэгорыі «Фотагісторыя»).

Катэгорыі конкурсу для прафесіяналаў:

• навіны;
• жыццё;
• партрэт;
• культура;
• дыпламатыя;
• войска;
• спорт;
• прырода і яе ахова;
• фотагісторыя (да 16 фота);
• рэпартаж (да 12 фота).

Тэрміны прыёму заявак:

• рэгістрацыя на конкурс — да 7 лютага 2025 года;
• фотаздымкі можна дасылаць да 10 лютага 2024 года.

ПАДРАБЯЗНАСЦІ ТУТ

Конкурс LSF2025 арганізаваны Саюзам журналістаў Літвы, Нацыянальнай асацыяцыяй творчых журналістаў і Клубам прэс-фатографаў Літвы.