Конкурс на ўдзел у праграме Fotofestiwal у Лодзі (дэдлайн — 30 лістапада)

Конкурс не мае тэматычных ці ўзроставых абмежаванняў. Шэсць пераможцаў атрымаюць магчымасць прадставіць свае працы аўдыторыі Міжнароднага фестывалю фатаграфіі, які пройдзе ў чэрвені 2027 года ў Лодзі (Польшча). Унёсак за падачу заяўкі складае 15 еўра за кожны праект. 

Fotofesti­w­al — гэта прастора для прэзентацыі і дыскусій пра грамадства, навакольнае асяроддзе і саму фатаграфію. Але перш за ўсё — гэта заўсёды жывое месца для сустрэч, дзялення вопытам і абмену ідэямі.

Арганізатары шукаюць аўтараў з яскравай індывідуальнасцю і праекты, якія прапануюць смелае бачанне. У склад журы ўваходзяць спецыялісты з найбольш значных сусветных медыя- і фотаінстытуцый.

З пададзеных заявак журы абярэ шэсць праектаў, якія ў супрацоўніцтве з куратарамі Fotofesti­w­al будуць прадстаўлены ў выглядзе выставы.

Акрамя таго, штогод сярод удзельнікаў мы выбіраем як мінімум аднаго аўтара для ўдзелу ў праграме FUTURES. FUTURES — гэта еўрапейская платформа, якая аб’ядноўвае сусветную фатаграфічную супольнасць дзеля падтрымкі і прафесійнага развіцця маладых аўтараў з усяго свету.

Якая тэма?

Тэмы няма — мы шукаем аўтараў з яскравай індывідуальнасцю і праекты, якія прапануюць смелае бачанне.

Што можна даслаць?

Завершаныя фотапраекты, якія ўключаюць ад 10 да 20 здымкаў. Адзін удзельнік можа падаць да двух праектаў.

Што можна атрымаць?

• Магчымасць арганізаваць выставу падчас Fotofesti­w­al у Лодзі ў чэрвені 2027 года (бюджэт — 600 еўра).
• Ганарар аўтара — 1000 еўра.
• Пражыванне падчас асноўных мерапрыемстваў адкрыцця фестывалю.
• Кампенсацыя транспартных выдаткаў у памеры да 300 еўра.

ПАДАЦЬ ЗАЯЎКУ