Трэнінг-курс ад Azbuka media «Трэнды ў сацсетках і дэзінфармацыя ў іх» (дэдлайн — 20 траўня)

Падчас курса «Трэнды ў сацсетках і дэзінфармацыя ў іх» арганізатары плануюць спалучыць два аспекты паводзін і кіравання сацыяльнымі сеткамі: камерцыйны і аспект медыяпісьменнасці. Удзельнікі змогуць адначасова адпрацаваць уменні SMM, таргетолага і фактчэкера.

Курс праводзіцца фактчэкінгавай ініцыятывай Azbu­ka media. Мова курса — руская. Удзел бясплатны.

Праграма складаецца з 5 вебінараў і хатняга (выпускнога) задання. 

Папярэднія тэмы і даты вебінараў (час: Вільня-Рыга-Мінск)

• 6 чэрвеня, 19:00 — 20:30  — Што сёння адбываецца ў асноўных сацсетках: Insta­gram, Face­book, «ВКонтакте», Tik­tok, Youtube, Telegram. Агульны агляд трэндаў карыстацкіх паводзін.
• 11 чэрвеня, 19:00 — 20:30  — Запатрабаваны кантэнт у сацыяльных сетках: як знайсці сувязь з аўдыторыяй?
• 13 чэрвеня, 19:00 — 20:30  — Цёмны бок SMM: як маніпулююць кантэнтам для павышэння яго бачнасці. Верыфікацыя кантэнту.
• 18 чэрвеня, 19:00 — 20:30  — Штучны інтэлект: саюзнік або супернік? Ад дапамогі ў стварэнні кантэнту да з’яўлення дыпфейкаў.
• 20 чэрвеня, 19:00 — 20:30  — Інфармацыйная гігіена, экалогія інфармацыі ў сетцы. Фактчэкінг.
• 21 чэрвеня — 30 чэрвеня  — Самастойная праца над выпускнымі праектамі (дызайн, SMM-прадукт, стратэгія прасоўвання, даследаванне навіны на дакладнасць — любы варыянт на выбар), тэарэтычны тэст.
• 2 ліпеня, 19:00 — 20:30  — Прэзентацыя выпускных работ.

Удзельнікі, якія паспяхова завершаць курс, атрымаюць міжнародны сертыфікат і магчымасці праходжання стажыроўкі (з наступным працаўладкаваннем  — колькасць месцаў абмежаваная).

Як прыняць удзел?

Запоўніць АНКЕТУ не пазней за 20 траўня 2024 года.

Больш інфармацыі пра курс  — па спасылцы

Па любых пытаннях пішыце на email info@azbukamedia.com