Нязмушаны нэтворкінг у Варшаве (дэдлайн — 16 кастрычніка)

Арганізацыя «ІншыЯ» запрашае беларускіх актывістак і актывістаў, журналістак і журналістаў утульна правесці вечар пятніцы 18 кастрычніка на варшаўскай нэтворкінг-сустрэчы.

Мэта мерапрыемства — усталяваць новыя кантакты з грамадзянскай супольнасцю і медыямі, абмеркаваць міфы і рэчаіснасць пра працу, падзяліцца класнымі практыкамі сумеснай працы або нават прыдумаць новую ідэю для супрацоўніцтва. 

Арганізатары абяцаюць бяспечнае і камфортнае асяроддзе, а таксама напоі і закускі. Просяць удзельнікаў узяць з сабой добры настрой і быць гатовымі камунікаваць з іншымі гасцямі мерапрыемства. Для павелічэння якасці камунікацыі сустрэча будзе мадэравацца.

Нэтворкінг пройдзе 18 кастрычніка, 18:30–21:00 у цэнтры Варшавы.

 Дакладнае месца будзе паведамлена асобным лістом удзельнікам і ўдзельніцам, якія пройдуць верыфікацыю.

РЭГІСТРАЦЫЯ

Мерапрыемства арганізавана камандай «ІншыЯ» і аб’яданнем беларусаў Нямеччыны Razam e.V. у партнёрстве з Press Club Belarus.