Трэнінг у Беластоку «Што можна і нельга журналісту ў Польшчы» (рэгістрацыя да 20 траўня)

Калі вы працуеце ў беларускім медыя ў Польшчы і хочаце лепш разумець, як не парушаць нормы права, — БАЖ запрашае на двухдзённы трэнінг для беларускіх журналістаў і рэдактараў «Што можна і нельга журналісту ў Польшчы».

Фота: John Diez для Pexels.com

Падчас сустрэчы будзем разглядаць простыя і практычныя пытанні:

• дзе праходзіць мяжа паміж грамадскім інтарэсам і правам на прыватнасць;
• як законна публікаваць фота і як не сутыкнуцца з іскамі за дыфамацыю;
• якія прававыя нормы трэба ведаць пра выкарыстанне штучнага інтэлекту ў журналістыцы;
• як правільна працаваць з персанальнымі дадзенымі;
• як менавіта ў Польшчы рэгулюецца стварэнне і распаўсюд журналісцкага кантэнту: досвед беларускіх медыя.

Асобна пагаворым пра стандарты Рады Еўропы па свабодзе слова.

Удзельнікі атрымаюць не толькі тэарэтычныя веды, але і папрактыкуюцца на рэальных кейсах, як ацэньваць рызыкі, аргументаваць свае рашэнні і пазбягаць парушэнняў.

Даты: 29–30 траўня 2026 года
Месца: Беласток
Для каго: беларускія журналісты і рэдактары медыя, якія працуюць у Польшчы

Мэта трэнінгу — дапамагчы беларускім журналістам у Польшчы працаваць больш бяспечна і ўпэўнена.

Для ўдзелу неабходна ЗАРЭГІСТРАВАЦЦА

Калі засталіся пытанні, пішыце нам: uchimonline5@gmail.com