Прыём заявак на кінапрэмію «Чырвоны верас’26» (дэдлайн — 9 лістапада)

Праваўладальнікі могуць падаць заяўкі з 13 кастрычніка да 9 лістапада 2025 года на сайце «Чырвонага верасу». Гэтым разам кінапрэмія разглядае беларускія фільмы 2023 і 2024 гадоў. 

Кінапрэмія «Чырвоны верас»

На кінапрээмію «Чырвоны верас» прымаюцца беларускія ігравыя і дакументальныя, поўнаметражныя і кароткаметражныя фільмы, якія ствараліся без удзелу дзяржаўных бюджэтаў Беларусі альбо Расіі.

Пад беларускім кіно разумеюцца стужкі, знятыя беларускімі рэжысёрамі альбо беларускімі рэжысёрамі з цалкам ці пераважна беларускаю здымачнаю групай як на тэрыторыі Беларусі, гэтак і за мяжою.

У гэтым годзе з’явіліся новыя намінацыі:  «Найлепшы мантаж» і «Найлепшы дакументальны рэпартаж» для дакументальных тэле- і YouTube-работ. Апошняя катэгорыя будзе ацэньвацца сябрамі журы па жаданні.

Усяго Прэмія ўручае ўзнагароды ў наступных намінацыях:

• «Найлепшы ігравы поўнаметражны фільм»,
• «Найлепшы ігравы кароткаметражны фільм»,
• «Найлепшы поўнаметражны дакументальны фільм»,
• «Найлепшы кароткаметражны дакументальны фільм»,
• «Найлепшы анімацыйны фільм»,
• «Найлепшы(ая) рэжысёрк(а)»,
• «Найлепшы актор»,
• «Найлепшая акторка»,
• «Найлепшая праца аператара(кі)»,
• «Найлепшы сцэнар»,
• «Найлепшы мантаж»,
• «Найлепшае мастацкае рашэнне (праца мастака(чкі)-пастаноўшчыка(цы)»,
• «Найлепшы гукавы дызайн (праца кампазітара(кі) ці гукарэжысёра(кі)»,
• «Найлепшы дакументальны рэпартаж» (дакументальны фільм тэле- і YouTube-фармату),
• «Адкрыццё года».

У склад Журы ўваходзяць:

• заснавальнікі Прэміі;
• А таксама па запрашэнні па запрашэнні — кінакрытыкі, кінажурналісты, кіназнаўцы, даследнікі кіно, кінаблогеры, у тым ліку сябры журы Міжнароднай федэрацыі кінакрытыкаў FIPRESCI, якія ажыццяўляюць сваю прафесійную дзейнасць у сферы кіно — як на тэрыторыі Беларусі, гэтак і за яе межамі.

Склад суддзяў абіраюць на адзін сезон Прэміі. Сёлета журы будзе працаваць з 14 лістапада 2025 года да 4 студзеня 2026 года.

ПАДАЦЬ ЗАЯЎКУ

Вынікі прэміі «Чырвоны верас’26» будуць падведзеныя ў лютым 2026 года. Імёны пераможцаў Прэміі будуць апублікаваныя на сайце Прэміі.