Скетчноўтынг: як рабіць ідэі нагляднымі, калі ты не мастак (дэдлайн — 28 кастрычніка)

Ініцыятыва «Журналісты за талерантнасць» запрашае журналістаў і грамадзянскіх актывістаў на бясплатны вэбінар пра тое, як выкарыстоўваць простыя сродкі скетчноўтынгу, каб зрабіць ідэі нагляднымі.

Як паспець зафіксаваць ідэі, калі няма часу падрабязна запісваць? Як хутка растлумачыць суразмоўцу ключавую тэму? Як рабіць нататкі з простымі карцінкамі, каб адразу ўспамінаць сутнасць?

На гэтыя і іншыя пытанні будуць шукаць адказы на вэбінары.

Калі: 29 кастрычніка 2024 года.

• 17:00 — 18:00 па Варшаве
• 18:00 — 19:00 па Вільні
• 19:00 ‑20:00 па Мінску
• 20:00 — 21:00 па Тбілісі

Дзе: анлайн, удзельнікі атрымаюць спасылку за гадзіну да вэбінара.

Што будзе

• Даведаемся, што такое скетчноўтынг і ў якіх сферах ён карысны (не толькі для мастакоў).
• Убачым, як можна перадаць складаныя канцэпцыі з дапамогай простых вобразаў.
• Разгледзім асноўныя прынцыпы скетчноўтынгу (базавыя элементы, абразкі і сімвалы, тэкст як частка кампазіцыі).
• Разбярэмся, як пачаць, калі не ўмееш маляваць.
• Створым скетч, каб «злавіць» асноўныя ідэі вебинара.
• Абмяркуем, як працягваць, калі вы пачалі: кнігі, супольнасці, курсы.

Вядучая вэбінара — Іна Карней, псіхалагіня, коуч, ілюстратарка.

Мовы вэбінару: руская і беларуская.

Дэдлайн рэгістрацыі — 28 кастрычніка 2024 года, 18:00 по Минску.

ЗАРЭГІСТРАВАЦЦА

Па дадатковых пытаннях звяртайцеся на пошту  j4tevents@gmail.com