Стыпендыя імя Вацлава Гавэла (дэдлайн — 1 чэрвеня)

Радыё Свабодная Еўропа/Радыё Свабода (RFE/RL) прымае заяўкі на атрыманне стыпендыі імя Вацлава Гавэла на 2025 год. Праграма пройдзе з 1 студзеня да 30 ліпеня 2025 года. Заяўкі прымаюцца з 1 траўня да 1 чэрвеня 2024 года.

Стыпендыяты, якія прайшлі адбор, на працягу шасці месяцаў будуць праходзіць стажыроўку ў рэдакцыі галаўнога офіса RFE/RL. Яшчэ адзін месяц стажыроўкі яны правядуць у мясцовых бюро арганізацыі.

Праграма ўключае семінары, дыскусіі з палітычнымі дзеячамі, грамадзянскімі актывістамі і аналітыкамі, наведванне СМІ і агенцтваў навін у Празе, працу над уласным праектам.

Удзельнікам прадаставяць стыпендыю, аплату пражывання, медыцынскай страхоўкі і транспартных расходаў.

Стыпендыя прымае заяўкі ад журналістаў з Арменіі, Азербайджана, Беларусі, Грузіі, Малдовы, Украіны і Расіі.

Патрабаванні да кандыдатаў:

• мець як мінімум двухгадовы досвед працы журналістам на роднай мове;
• быць гатовым працаваць журналістам у сваёй роднай краіне ці для аўдыторыі ў сваёй краіне;
• падзяляць місію RFE/RL;
• валодаць англійскай мовай.

Стыпендыі прысуджаюцца на конкурснай аснове.

Поўная заяўка павінна ўключаць наступныя матэрыялы:

• рэзюмэ з актуальнай кантактнай інфармацыяй;
• асабістая заява;
• 2 рэкамендацыйныя лісты;
• 3 узоры работ;
• ліст Вацлаву Гавэлу.

Заяўкі прымаюцца з 1 траўня да 1 чэрвеня 2024 года.

ПАДРАБЯЗНАСЦІ І РЭГІСТРАЦЫЯ