«Зеркало» шукае кіраўніка SMM-кірунку

«Зеркало» адкрыла вакансію кіраўніка smm-каманды. Рэдакцыя шукае лідэра, які будзе адказваць у найбуйнейшым беларускім незалежным медыя за стварэнне і дыстрыбуцыю кантэнту на мностве платформ.

Фота: «Зеркало»

Абавязкі:

- Кіраваць камандай, якая працуе на розных пляцоўках;

- Паляпшаць існуючыя механізмы дыстрыбуцыі кантэнту і знаходзіць новыя спосабы яго дастаўкі аўдыторыі;

- Развіваць прысутнасць медыя «Зеркало» на ключавых платформах — Telegram, Insta­gram, Tik­Tok (мае ўласнага кіраўніка, задачы абмяжоўваюцца супервізіяй) — і тэставаць новыя пляцоўкі;

- Аналізаваць эфектыўнасць SMM-стратэгіі, укараняць новыя падыходы, трымаць руку на пульсе трэндаў у медыя;

- Узаемадзейнічаць з рэдакцыяй для аператыўнага распаўсюджвання кантэнту.

Што рэдакцыя чакае ад кандыдатаў:

- Вопыт працы ў журналістыцы не менш за 3 гады (вопыт у SMM будзе перавагай);

- Вопыт кіравання камандай або праектам у медыя;

- Разуменне прынцыпаў дыстрыбуцыі кантэнту на розных платформах;

- Навыкі стратэгічнага планавання і аналітыкі, жаданне працаваць з вялікім аб’ёмам дадзеных;

- Гатоўнасць да эксперыментаў і ўменне абгрунтоўваць свае гіпотэзы;

- Разуменне беларускага медыярынку і асаблівасцяў працы з аўдыторыяй;

- Добрыя камунікацыйныя навыкі.

Што рэдакцыя прапануе:

- Белую зарплату, памер якой будзе ўстаноўлены па выніках сумоўя;

- Магчымасць працаваць з найбуйнейшай аўдыторыяй у беларускім медыяполі;

- Уплыў на стратэгію і развіццё лічбавых платформ;

- Падтрымку ў рэалізацыі ідэй.

«Зеркало» па-ранейшаму не можа працаваць з супрацоўнікамі з Беларусі, таму рэдакцыя шукае людзей, якія знаходзяцца ў ЕС (пажадана, у Польшчы ці Літве) і маюць дазвол на працу.

Калі вас зацікавіла вакансія — дасылайце водгукі на editors@zerkalo.io з тэмай «Кіраўнік smm-кірунку». Акрамя рэзюмэ, раскажыце ў лісце пра сябе і чаму вы хочаце працаваць у рэдакцыі «Зеркало».