Tribuna.com шукае рэдактара стужкі навін

Рэдакцыя шукае чалавека, які будзе сачыць за беларускімі і замежнымі крыніцамі, рыхтаваць і адаптаваць навіны, а таксама аператыўна адпраўляць push-паведамленні з галоўнымі інфанагодамі.

Фота: Siarhei Nester / pexels.com

Ёсць магчымасць як поўнай, так і частковай занятасці. Вакансія падыдзе тым, хто жыве за межамі Беларусі. Усе ўмовы абмяркоўваюцца пасля сумоўя.

Абавязкі:

• напаўненне стужкі навін;
• напісанне ўласных навін;
• маніторынг беларускіх крыніц і агрэгацыя кантэнту;
• адсочванне замежных крыніц, пераклад і адаптацыя навін;
• адпраўка push-паведамленняў з самымі гарачымі навінамі.

Патрабаванні:

• веданне спартыўнай спецыфікі і любоў да спорту ў цэлым;
• пісьменная беларуская мова;
• здольнасць хутка думаць, хутка дзейнічаць і агульная стрэсаўстойлівасць;
• увага да дробязяў;
• самадысцыпліна для аддаленай працы;
• наяўнасць досведу працы ў СМІ або вельмі-вельмі моцнае жаданне рабіць кар’еру ў медыя.

Умовы:

• гнуткі графік;
• асобная аплата за дадатковыя віды работ;
• сумеснае абмеркаванне матэрыяльнай узнагароды;
• дружны калектыў, які за праўду.

Рэзюмэ дасылайце на by.jobs@tribuna.com з тэмай «Рэдактар стужкі навін».

Блог на Tribuna.com, а таксама тэкст пра тое, чаму трэба звярнуць увагу менавіта на вас, могуць стаць дадатковымі плюсамі.