• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    КДБ пра сувязь шпіёнскіх справаў Шаройкі і Палітыкі: «Домыслаў не камэнтуем»

    У КДБ Беларусі паведамілі, што працягваюць расьсьледаваньне справы журналіста Паўла Шаройкі, які абвінавачваецца ў шпіянажы. Пра тэрміны завяршэньня сьледзтва і пачатку суду ў КДБ пакуль ня кажуць.

    Справа ўкраінскага журналіста Паўла Шаройкі, якога абвінавачваюць у шпіянажы, расьсьледуецца. Колькі часу зойме расьсьледаваньне, пакуль невядома, паведаміў Свабодзе афіцыйны прадстаўнік Камітэту дзяржаўнай бясьпекі Рэспублікі Беларусь Дзьмітры Пабяржын.

    «Справа Паўла Шаройкі расьсьледуецца. На якой стадыі — сьледчыя ніякай інфармацыі для распаўсюду мне яшчэ не перадавалі. Пакуль толькі ў такім фармаце. Пра дату суду гаварыць заўчасна. Прагназаваць штосьці па часе, колькі зойме гэты працэс, я не гатовы, сьледчае падразьдзяленьне займаецца расьсьледаваньнем справы Паўла Шаройкі».

    Украінскі журналіст Паўло Шаройка быў арыштаваны 25 кастрычніка 2017 году ў Менску. Першым пра арышт Шаройкі паведаміў украінскі бок толькі 17 лістапада.

    20 лістапада зьявілася афіцыйнае паведамленьне КДБ Беларусі пра «прыпыненьне шпіёнскай дзейнасьці».

    27 лістапада Паўлу Шаройку выстаўлена афіцыйнае абвінавачваньне ў шпіянажы (арт. 358 КК РБ). За шпіянаж яму пагражае ад 7 да 15 гадоў пазбаўленьня волі.

    Ці магчымы абмен «шпіёнамі»?

    Некаторыя назіральнікі зьвязваюць арышт украінца Паўла Шаройкі з арыштам у чэрвені 2017 году ва Ўкраіне беларуса Юрыя Палітыкі, якога таксама абвінавачваюць у шпіянажы. Паводле інфармацыі беларускай амбасады ва Ўкраіне, Юрыю Палітыку, які ўтрымліваецца ў СІЗА Чарнігава, на гэтым тыдні будзе выстаўлена канчатковае абвінавачваньне, і неўзабаве яго чакае суд.

    На ўдакладняльнае пытаньне Свабоды, ці зьвязаныя справы Паўла Шаройкі і Юрыя Палітыкі і ці магчыма, што суды будуць праходзіць сынхронна, афіцыйны прадстаўнік КДБ Дзьмітры Пабяржын адказаў, што домыслаў ён не камэнтуе.

    «Усё, што тычылася матэрыялаў гэтай справы, падставаў для затрыманьня, у свой час было ў дастатковым аб’ёме апублікавана ў сродках масавай інфармацыі. А нейкія домыслы я камэнтаваць ня буду», — заявіў Дзьмітры Пабяржын.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Теперь консул может только изъять паспорт. Что означает новый указ для белорусов, уехавших из страны?

    Очередное решение властей, которое поражает в правах белорусов.  Лукашенко подписал указ, которым изменил порядок выдачи документов в посольствах и консульствах за границей. Теперь там нельзя продлить или получить паспорт. Как же быть? Комментирует юридическая служба БАЖ.
    05.09.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці