• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Кнігу журналісткі Алены Струвэ пра турэмнае жыццё прэзентавалі ў Барысаве

    Творчая сустрэча сябраў мясцовай суполкі ГА “Беларуская асацыяцыя журналістаў” з аўтаркай цыкла перадач “Свабода ў турмах” на “Радыё Свабода” Аленай Струвэ адбылася 5 кастрычніка ў памяшканні рэдакцыі недзяржаўнай газеты “Борисовские новости”. Журналістка прэзентавала барысаўскім калегам сваю апошнюю кнігу “Турма, мужчына й жанчына. Як сядзяць у сучаснай Беларусі”.

    Кніга складзеная з дакументальных споведзяў людзей з крымінальным досведам. Шматлікія і разнастайныя тэмы, якія дазваляюць зазірнуць у залюстроўе беларускага турэмнага жыцця, шакуюць чытача падрабязным і непасрэдным апісаннем.

    “Ці трэба рэфармаваць пенетэнцыярную сістэму Беларусі і якім чынам?”, “Як дапамагчы людзям, якія прайшлі турму, сацыялізавацца?”, “У чым адрозненне турмы ў нас ад турмы ў “цывізаваным свеце”? – гэтыя і іншыя актуальныя пытанні задавалі і абмяркоўвалі ўдзельнікі сустрэчы. Напрыканцы яе барысаўскія бажаўцы атрымалі кнігі Алены Струвэ з аўтарскім аўтографам.

    У 2014 г. за перадачу “Свабода ў турмах” сябра ГА “БАЖ” Алена Струвэ была ўзнагараджана нацыянальнай праваабарончай прэміяй “Журналіст года”.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці