• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Магілёўская міліцыя выйграла суд супраць бабруйскага блогера: яго прымусяць заплаціць праваахоўнікам 6000 рублёў

    Міліцыя Магілёўскай вобласці выйграла суд аб абароне гонару, годнасці і дзелавой рэпутацыі службовых асобаў органаў унутраных спраў супраць бабруйскага блогера Алега Жалнова. Суд Бабруйску і Бабруйскага раёну пастанавіў выдаліць абразлівае відэа і спагнаць з Жалнова па 3 тыс. рублёў на карысць кожнага з двух пазоўнікаў. Грошы міліцыянты абяцаюць перавесці на рахунак Магілёўскага дзіцячага хоспісу.

    https://baj.media/sites/default/files/event/preview/p2242352854-3.jpg

    Грамадзянскі пазоў пачалі разглядаць у судзе Бабруйскага раёну і горада Бабруйск 27 кастрычніка.

    Па словах Алега Жалнова, міліцыя палічыла абразлівым ролік, апублікаваны ў снежні 2016 года. У ім блогер выказвае незадаволенасць тым, што пры ўваходзе ў будынак УУС у Бабруйску адных наведвальнікаў прымушаюць здаваць усе носьбіты інфармацыі і сродкі сувязі, а іншых «прапускаюць з ноўтбукамі і нават халоднай зброяй». У відэа Жалноў распавядае таксама пра «непаўналетнюю дзяўчынку», якая з пустымі рукамі ў суправаджэнні міліцыянта зайшла ў будынак УУС на паўгадзіны і была «ў нейкай напрузе», а затым выйшла, «ззяючы ўсмешкай і са смартфонам у руках». Паводле Жалнова, дзяўчынку вадзілі да начальніка УУС.

    Пазоўнікамі выступілі першы намеснік начальніка УУС Магілёўскага аблвыканкаму Аляксандр Васільеў і камандзір 1‑га ўзвода роты ДПС АДАІ УУС Бабруйскага гарвыканкаму Яўген Сераштанаў. На думку пазоўнікаў, ролік на канале Жалнова «носіць відавочна тэндэнцыйны, абразлівы характар ​​і змяшчае звесткі, якія не адпавядаюць рэчаіснасці».

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці