• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Марк Цукерберг абяцае хуткія рэформы ў фэйсбуку

    Заснавальнік фэйсбука Марк Цукерберг абвесціў планы зменаў у сацсетцы ў найбліжэйшы час. Паводле яго, адміністратары пачулі скаргі карыстальнікаў на тое, што камерцыйны і арганізацыйны кантэнт пачаў занадта выцясняць прыватныя пасты і перашкаджае людзям камунікаваць міжсобку, паведамляе BBC.

    https://baj.media/sites/default/files/event/preview/zuckerberg-v5fms.jpg

    Ён таксама дадаў, што стваральнікі фэйсбука адчуваюць адказнасць за тое, каб карыстальнікі не толькі пасіўна праглядалі стужку ў забаўляльных мэтах. Шляхам стварэння мэтавых груп, арыентаваных на акрэсленыя тыпы кантэнту, адміністрацыя сацсеткі будзе намагацца актывізаваць карыстальнікаў у абмене інфармацыяй.

    «Калі гэтыя змены запрацуюць, вы пачнеце бачыць меней публічнага кантэнту, напрыклад — публікацый ад фірм, брэндаў і СМІ. Увесь публічны кантэнт будзе стандартызаваны — і гэта павінна спрыяць змястоўнаму ўзаемадзеянню людзей», — сказаў Марк Цукерберг.

    Ён спадзяецца, што людзі пачнуць праводзіць у фэйсбуку меней часу, але гэты час будзе выкарыстаны больш інтэнсіўна для ўзаемадзеяння ў рамках рэфармаваных мэтавых груп. Змены, паводле яго, павінны запрацаваць ужо цягам найбліжэйшых тыдняў.

    Раней стваральнік сацсеткі таксама анансаваў, што яе адміністрацыя будзе больш актыўна супрацьстаяць спробам з боку «нацыянальных дзяржаў маніпуляваць кантэнтам», і абяцаў перадаць Кангрэсу ЗША інфармацыю, звязаную з болей чым 3000 палітычных рэклам, размешчаных у фэйсбуку афіліяванымі з ўрадам прадстаўнікамі Расіі.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці