Недзяржаўная арганізацыя «Мемарыял» пацвердзіла абмен праваабаронцы Алега Арлова

«Мемарыял» паведаміў пра вызваленне сузаснавальніка сваёй праваабарончай арганізацыі  Алега Арлова ў тэлеграм-канале. У паведамленні адзначаецца, што спадар Арлоў патэлефанаваў сваёй жонцы з самалёта. Па звестках «Мемарыяла», праваабаронцу везлі ў Кёльн.

Вызвалены ў выніку абмену зняволенымі сузаснавальнік праваабарончай арганізацыі «Мемарыял» Алег Арлоў не падаваў прашэння аб памілаванні. Пра гэта піша «Вёрстка» са спасылкай на неназванага прадстаўніка «Мемарыяла».

«Ніякіх умоваў расейскі бок не выстаўляў, з намі ніхто і не звязваўся. Мы насамрэч самі ні ў чым не былі ўпэўненыя да апошняга моманту. Ён вельмі коратка паведаміў, што на волі, але ў цэлым, здаецца, у парадку», — расказаў выданню прадстаўнік.

Суразмоўца таксама адзначыў, што для абмену зняволены не абавязаны прызнаваць віну і прасіць аб памілаванні.

Абмен расійскіх палітычных зняволеных

1 жніўня 2024 года Расія вызваліла расійскіх палітычных зняволеных у абмен на расіян, пазбаўленых волі ў ЗША і краінах Еўропы, у вызваленні якіх зацікаўленыя расейскія ўлады. У межах гэтага абмену ў ЗША вярнуліся журналістка «Радио Свобода» Алсу Курмашава, асуджаная да шасці з паловай гадоў калоніі за «фейкі» пра расійскае войска, і журналіст The Wall Street Jour­nal Эван Гершковіч, які атрымаў 16 гадоў зняволення па абвінавачанні ў шпіянажы.

Незалежныя медыі зазначаюць, што звычайна абмены ў Расіі праходзілі праз інстытут памілавання. Калі палітзняволеных памілавалі афіцыйна, значыць, з іх знятыя судзімасці і ўсе іх наступствы. Таксама для памілавання зняволеныя не павінны звяртацца з прашэннем і прызнаваць віну — гэтыя ўмовы неабавязковыя для вызвалення.