Meta адключыла тэхналогію прыватнасці ў Instagram

Функцыя скразнога шыфравання на платформе была адключана для карыстальнікаў па ўсім свеце.

Фота: Pix­abay

Meta больш не будзе падтрымліваць бяспечныя чаты ў Insta­gram, змест якіх быў даступны толькі адпраўніку і атрымальніку, паведамляе  BBC.

«Сквознае шыфраванне паведамленняў у Insta­gram не будзе падтрымлівацца пасля 8 мая 2026 года», — заявілі ў кампаніі.

Выдаленне скразнога шыфравання (E2EE) з паведамленняў — гэта значная змена ў палітыцы кампаніі, якая раней прасоўвала гэту тэхналогію як залаты стандарт прыватнасці карыстальнікаў.

Стандартнае шыфраванне азначае, што правайдэр можа атрымаць доступ да канфідэнцыйных матэрыялаў пры неабходнасці. Гэта распаўсюджаная сістэма ў большасці буйных анлайн-сэрвісаў, такіх як Gmail.

Гэтае рашэнне было ўхвалена групамі па абароне дзяцей, у тым ліку NSPCC, якія даўно папярэджвалі, што тэхналогія скразнога шыфравання можа падвергнуць дзяцей рызыцы, бо дапамагае злачынцам пазбегнуць выкрыцця.

Аднак абаронцы прыватнасці сцвярджаюць, што гэты крок з’яўляецца крокам назад. У прыватнасці, супрацоўніца Big Broth­er Watch па юрыдычных і палітычных пытаннях Майя Томас, заявіла, што E2EE — гэта «адзін з ключавых спосабаў, з дапамогай якіх дзеці могуць абараніць свае дадзеныя ў інтэрнэце».

У цяперашні час E2EE выкарыстоўваецца па змаўчанні ў Sig­nal, What­sApp, Face­book Mes­sen­ger, Apple iMes­sage і Google Mes­sages.

Нагадаем, што ў траўні Meta абнавіла алгарытмы рэкамендацый Insta­gram, каб аддаваць прыярытэт «арыгінальнаму кантэнту» і абмежаваць ахоп акаўнтаў, якія публікуюць чужыя фатаграфіі і каруселі. 

Что и как почистить в Insta­gram: инструкция от КиберПартизан