• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Міхась Янчук: “Беларусі патрэбныя не касметычныя змены, а сістэмныя рэформы медыязаканадаўства”

    Намеснік старшыні ГА “БАЖ” вярнуўся з Бруселю, дзе днямі ў Еўрапарламенце адбыўся форум «Стан інфармацыйных медыя ў Расіі і краінах Усходняга партнёрства». “Відавочна, што сёння Усходняе партнёрства знаходзіцца на раздарожжы. Менавіта змены ў рэгіёне і сталі асноўнай нагодай для сустрэчы”, – кажа Міхась Янчук. Пра што ішла гаворка на форуме, ён распавёў прэс-службе ГА “Беларуская асацыяцыя журналістаў”.

    Хтосьці “вучыў ўрокі”, а хтосьці “кінуў школу”

    – Калі праграма Усходняга партнёрства пачыналася, было зразумела, што краіны – розныя. Але яны не былі так далёка адна ад адной у сваёй пазіцыі на лініі Расія – Еўрасаюз. Сёння заўважна, што тры краіны добра «вучылі ўрокі», а тры цалкам адмаўляліся гэта рабіць і нават “кінулі школу”. Беларусь акурат знаходзіцца ў той групе краін, якія адмаўляюцца «вучыць урокі», і гэта, на жаль, не дае нам надзеяў на хуткія змены.

    У Еўрасаюзе ёсць людзі, якія ўсведамляюць, што агульныя механізмы Усходняга партнёрства ў гэтай групе вельмі цяжка будзе прымяняць, бо краіны разыходзяцца па розных “арбітах”. Таму ў ЕС пачалі думаць, як выпрацаваць нейкія новыя механізмы супрацы ў рэгіёне.

    “На жаль, пакуль ключавую ролю ў рэгіёне адыгрывае Расія”

    Па словах намесніка старшыні ГА “БАЖ”, арганізатары запрасілі на форум вельмі шырокае кола ўдзельнікаў.   

    – Еўрапарламент – тое месца, дзе можна казаць крыху болей, чым на перамовах з Еўракамісіяй ці Службай знешніх дзеянняў ЕС. Арганізатары выкарысталі гэтую магчымасць, і таму абмен думкамі наконт будучыні супрацоўніцтва з медыямі ў рэгіёне быў дастаткова актыўным.

    З Расіі, напрыклад, былі як прадстаўнікі афіцыйнага саюза журналістаў, так і супрацоўнікі медыя, якія знаходзяцца пад моцным ціскам у пуцінскай Расіі. Безумоўна, у іх былі зусім адрозныя ад саюза журналістаў пазіцыі…

    Відавочна, што Еўрасаюз зараз прыслухоўваецца да таго, што адбываецца ў рэгіёне. На жаль, пакуль ключавую ролю тут адыгрывае Расія. І мяне вельмі засмучае, што пасля тэрактаў у Парыжы перамоўныя пазіцыі Расіі ў дачыненнях з Захадам вельмі ўзмацніліся. Частка нашых еўрапейскіх партнёраў гатовая заплюшчыць вочы на ўціск журналісцкай супольнасці ў Расіі дзеля таго, каб Расія магла быць саюзнікам ЕС у барацьбе з ісламскай тэрарыстычнай пагрозай.

    Тая група еўрадэпутатаў, якая з намі размаўляла, падзялілася прыкладна на дзве роўныя часткі ў гэтым пытанні. Адна частка схілялася да таго, каб дазволіць Расіі больш уціскаць сваю грамадзянскую супольнасць, але мець Расію ў якасці партнёра ў барацьбе з так званай Ісламскай дзяржавай. Другая частка, якую прадстаўлялі ў асноўным “паўночнікі” – брытанцы, скандынавы, – лічыць, што давяраць Пуціну нельга, як нельга і адмаўляцца ад галоўных прынцыпаў дзеля сённяшніх выгадаў.

    “Беларусі патрэбныя не касметычныя змены, а сістэмныя рэформы”

    Па словах Міхася Янчука, Беларусь на форуме прэзентавалі, акрамя яго, Святлана Калінкіна (намесніца старшыні ГА “БАЖ”, шэф-рэдактар “Народнай волі”), галоўны рэдактар “Медыкрытыкі” Яніна Мельнікава, журналіст газеты “Беларусы и рынок” Аляксандр Герасіменка.

    – Еўрапарламентарыі вельмі цікавіліся, ці сапраўды нешта мяняецца ў Беларусі, ці сапраўды тыя словы, якія гучалі перад выбарамі, могуць прывесці да нейкіх кардынальных рэформ, у тым ліку ў медыясферы.

    Я казаў, што любыя змены варта адзначаць толькі тады, калі яны сапраўды адбудуцца. У Беларусі ж змены заўсёды адбываюцца па прынцыпе “адзін крок наперад – два назад”. Казаў пра тое, што вызваленне палітычных вязняў абсалютна не гарантуе, што ў хуткім часе не з’явяцца новыя. Таму, на мой погляд, нельга весці гаворкі пра сур’ёзны прагрэс.

    Я намагаўся выкарыстаць і публічныя дыскусіі на форуме, і кулуарныя размовы для таго, каб пераканаць еўрапарламентарыяў не спыняць ціску на беларускія ўлады, бо нам патрэбныя не касметычныя змены, а сістэмныя рэформы беларускага медыязаканадаўства. І гэта быў адзін з галоўных пунктаў майго выступу.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці