• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Мінінфарм, БАЖ, БСЖ і прадстаўнікі дзяржпрэсы — ЦВК зацвердзіў склад кансультацыйнага савета па СМІ

    Цэнтральная выбарчая камісія Беларусі прыняла некалькі пастановаў, якія вызначаюць парадак выкарыстання СМІ падчас правядзення выбараў у мясцовыя саветы дэпутатаў.

    https://baj.media/sites/default/files/event/preview/000020_1510655537_big_0.jpg

    У прыватнасці, кандыдатам на мясцовых выбарах дазволяць выступіць на дзяржаўных радыёстанцыях. Кожнаму дадуць па тры хвіліны. Але ў прамы эфір нікога не пусцяць — выступы будуць ісці ў запісе. Гэта прадугледжана апублікаванай на сайце ЦВК Пастановай № 46.

    З 22 студзеня да 12 лютага кандыдаты будуць намагацца змясціць у тры хвіліны расповед і пра сябе, і пра свае планы для рэгіёна. Кандыдаты з Мінска, да прыкладу, будуць выступаць на радыё «Мінск», а з Мінскай вобласці — на радыё «Мінская хваля». У іншых рэгіёнах гэта будуць мясцовыя дзяржаўныя радыёстанцыі.

    Таксама ЦВК зацвердзіла Палажэнне аб грамадска-кансультатыўным савеце па разглядзе спрэчак, звязаных з выкарыстаннем СМІ пры правядзенні мясцовых выбараў. Паводле ЦВК, савет, які на парламенцкіх выбарах насіў назву назіральнага, захавае ранейшыя функцыі — будзе разглядаць спрэчкі, звязаныя з выкарыстаннем медыя падчас выбараў.

    Савет зацверджаны ЦВК у наступным складзе:

    1. Першы намеснік міністра інфармацыі Беларусі Ігар Луцкі (старшыня савета);
    2. Намеснік старшыні Беларускага саюза журналістаў Сяргей Сверкуноў (намеснік старшыні савета);
    3. Гендырэктар КУП “Агенцтва “Мінск-Навіны” Кацярына Дубінская (сакратар савета);
    4. Старшыня ГА “Беларуская асацыяцыя журналістаў”  Андрэй Бастунец;
    5. Галоўны дырэктар Першага канала беларускага радыё Антон Васюкевіч;
    6. Першы намеснік гендырэктара БЕЛТА Аксана Кірыльчык;
    7. Першы намеснік галоўнага рэдактара “Советской Белоруссии” Міхаіл Лябедзік.

    З сённяшняга дня звярнуцца ў савет са скаргай маюць права як кандыдаты і іх давераныя асобы, так і простыя грамадзяне ды арганізацыі. Арганізацыйна-тэхнічнае забеспячэнне дзейнасці савета будзе ажыццяўляцца ЦВК.

    Адпаведна, па гэтым жа адрасе можна накіроўваць і звароты ў савет: г. Мінск, вул.Савецкая, 11.

     

    Глава БАЖ: Совет по СМИ на выборах в Беларуси — это имитация работы

    Хашчавацкі, «Салідарнасць» і «Гродзенская праўда» на разглядзе савета пры ЦВК

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці