Мінінфарм вынес папярэджанне рэдакцыі тэлепраграмы «8 канал»

Рэдакцыя тэлепраграмы «8 канал» атрымала пісьмовае папярэджанне ад Міністэрства інфармацыі «за парушэнне патрабаванняў нацыянальнага заканадаўства аб СМІ», паведамляе прэс-служба Мінінфарма.

Падставай для папярэджання ведамства называе «размяшчэнне ў тэлепраграме матэрыялаў, якія змяшчаюць інфармацыю, распаўсюджванне якой не дапускаецца».

Закрытае акцыянернае таварыства «8 канал» было зарэгістравана як сродак масавай інфармацыі 19 жніўня 1996 года. Канал пазіцыянуе сябе як сямейна-забаўляльны. Аснову тэлепраграм складаюць праграмы ўласнай вытворчасці, фільмы, дакументальныя цыклы, мастацкія серыялы для дзяцей і дарослых.

У Беларусі прайшла хваля ператрусаў у кватэрах прадстаўнікоў медыя