• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    На брэсцкіх фрылансераў неўзабаве могуць быць складзены новыя пратаколы за працу без акрэдытацыі

    Пра гэта стала вядома пасля таго, як сябры ГА “БАЖ”, журналісты-фрылансеры Яўген Скрабец, Алесь Ляўчук і Мілана Харытонава 21 кастрычніка наведаліся ў міліцыю па позвах.

    Як паведаміў службе маніторынгу ГА “Беларуская асацыяцыя журналістаў” Яўген Скрабец, яго асабіста дапытваў капітан міліцыі Дзмітрый Селейковіч.

    “Са слоў супрацоўніка міліцыі вынікала, што ў дачыненні да мяне ладзяцца праверкі наконт двух фактаў правапарушэнняў паводле часткі 2 артыкула 22.9 КаАП РБ за матэрыялы, змешчаныя на сайце “Радыё Рацыя” сёлета 27 верасня і 4 кастрычніка. Другі з гэтых матэрыялаў звязаны з сітуацыяй вакол будаўніцтва акумулятарнага завода, а першы – зусім на іншую тэму”, – распавёў Яўген Скрабец.

    Журналіст адмовіўся даваць тлумачэнні, спаслаўшыся на артыкул 27 Канстытуцыі РБ. Ён хадайнічаў, каб падчас апытання была магчымасць весці аўдыё і відэазапіс, а таксама рабіць фотаздымкі, аднак у гэтым Яўгену Скрабцу было адмоўлена. Пасля гэтага яму выдалі новую позву на 24 кастрычніка. Брэсцкі фрылансер не выключае, што менавіта ў гэты дзень будзе складзены адзін ці некалькі адміністрацыйных пратаколаў.

    У дачынені Алеся Ляўчука і Міланы Харытонавай, якіх таксама выклікалі ў міліцыю апоўдні ў нядзелю, вядзецца праверка наконт іх супрацоўніцтва з тэлеканалам “Белсат”.

    Журналісты не сумняваліся, што позвы былі выпісаныя на 12 гадзін ў нядзелю не выпадкова – менавіта ў гэты час штотыдзень на цэнтральнай плошчы Брэста адбываюцца сустрэчы праціўнікаў будаўніцтва акумулятарнага завода. Мясцовыя ўлады жадаюць пазбегнуць грамадскага рэзанансу, а таму робяць захады, каб прадстаўнікі незалежных СМІ не асвятлялі гэтую падзею.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці