• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Навошта патрэбны Беларускі інстытут тэатру. Размова з Анжалікай Крашэўскай

    Прадстаўніца ініцыятыўнай групы «Беларускае тэатральнае кам’юніці» Анжаліка Крашэўская расказала, якія зараз ёсьць праблемы ў беларускіх тэатральных дзеячоў і чым будзе займацца будучы Беларускі інстытут тэатру.

    7–9 верасьня ў Варшаве адбылася канфэрэнцыя, на якой быў створаны Беларускі інстытут тэатру (БІТ). У канфэрэнцыі паўдзельнічалі (онлайн і офлайн) каля 50 дзеячоў і дзяячак беларускай тэатральнай супольнасьці. Вынікам імпрэзы стаў падпісаны мэмарандум.

    Анжаліка Крашэўская — прадстаўніца ініцыятыўнай групы «Беларускае тэатральнае кам’юніці», была дырэктаркай Цэнтру візуальных і выканаўчых мастацтваў «Art Cor­po­ra­tion», дырэктаркай кінафэстывалю «Лістапад», арт-дырэктаркай Міжнароднага тэатральнага форуму «ТЕАРТ».

    «На фоне 2020-га году мы аб’ядналіся ў „Беларускае тэатральнае кам’юніці“ і дапамагалі тым, хто застаўся і тым, хто зьехаў, думалі, што ім рабіць. Гісторыя трансфармавалася, і ад беларускага „камʼюніці“ мы перайшлі да наступнага кроку — стварэньня інстытуту», — кажа Анжаліка Крашэўская.

    Анжаліка дадае, што шмат краін Усходняй Эўропы маюць такія інстытуцыі, яны пачыналіся са збору і фармаваньня архіву.

    «Пакуль гэта ідэя стварэньня інстытуту, але важна сфармуляваць задачы, якія мы можам выконваць тут і цяпер. Першы крок — гэта акурат збор інфармацыі, архіваваньне, дасьледаваньне. Такая інстытуцыя можа быць цяпер у лятучым фармаце, а празь нейкі час яна „апусьціцца“ на тую тэрыторыю, на якой павінна быць».

    БІТ таксама будзе займацца папулярызацыяй беларускага тэатру, стварэньнем умоваў для разьвіцьця беларускіх прафэсіяналаў у выканальніцкіх мастацтвах.

    «Важна ўваходзіць у міжнародную тэатральную сетку»

    Анжаліка пералічвае пытаньні, якія трэба вырашыць, каб запусьціць Інстытут.

    «Нейкая частка людзей — у Беларусі, нейкая раскіданая за межамі. Складанае пытаньне — дагрукацца да патэнцыйных донараў, знайсьці крыніцы фінансаваньня. Бо дагэтуль каманда тры гады валянтэрыла, выконвала праекты, дапамагала беларускім тэатральным дзеячам у рэзыдэнцыях, стажах, праграмах, прэзэнтацыях, каб зьвяртаць увагу, што мы жывыя нягледзячы ні на што».

    Сёньня ёсьць магчымасьць выконваць маленькія праекты, якія будуць падмуркам будучага інстытуту, кажа Анжаліка. Замежныя тэатральныя інстытуцыі і дзеячы гатовыя дапамагаць разьвівацца беларускай тэатральнай сфэры.

    «Ёсьць міжнародная тэатральная сетка, у яе таксама важна ўваходзіць. Важна пра сябе нагадваць. Мы шукаем і знаходзім падтрымку, праўда, пакуль яна толькі ў фармальным пляне: „Мы гатовыя дапамагаць, кансультаваць, думаць над сумеснымі праектамі“».

    «Ня быць хатай з краю»

    Анжаліка заўважае, што беларускія дзеячы культуры заўсёды зьвярталіся да Польскага інстытуту, Інстытуту Гётэ, але ў самой Беларусі не было магчымасьці пазнаёміцца з тэатрамі іншых краін.

    «Таму, каб сыстэмна займацца гэтай працай, неабходны інстытут як арганізацыя, а не як валянтэрскі рух ці ініцыятыва. Тут важныя сыстэмнасьць, спадчына, папулярызацыя, прасоўваньне і захаваньне. Мы павінны сабраць сьведчаньні тэатральнай гісторыі, якая ёсьць у Беларусі, захаваць нейкія рэчы, якія ўзьнікалі, узьнікаюць і будуць узьнікаць, і перадаць гэта далей».

    Анжаліка дадае, што зараз не трэба дзяліць тэатар на эмігранцкі і беларускі.

    «Дыскусійнае пытаньне: як назваць тэатар у эміграцыі? Гэта беларускі тэатар альбо тэатар, які знаходзіцца ў пераходным пэрыядзе? Можна толькі назіраць, што адбываецца. Але вельмі важна для беларускіх тэатральных дзеячоў ня быць адасобленымі, не кіравацца прынцыпам „мая хата з краю“. Яны павінны выкарыстоўваць магчымасьці сытуацыі, у якой яны апынуліся, зразумець той эўрапейскі тэатар, які ёсьць побач зь імі».

    Чытайце яшчэ:

    Горькое наследство. Анна Мирочник объясняет, зачем протесту рассказывать о своих жертвах

    Гомельскага відэааператара Андрэя Толчына затрымалі на 72 гадзіны

    «Когда технология расширяется, она превращается из экстраординарной в обычную». Топ-менеджер Google обратился по случаю 25-летия компании

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    «Медиазона» подготовила инструкцию по удалению старых комментариев в соцсетях — от Instagram до Youtube.
    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці