• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Новы год пачаўся для журналіста са штрафу за супрацоўніцтва ў «Белсатам»

    Журналіста аштрафавалі за сюжэт пра дэфіцыт угнаенняў

    Суд Пастаўскага раёна прызнаў глыбоцкага журналіста Змітра Лупача вінаватым у парушэнні заканадаўства аб СМІ паводле ч. 2 арт. 22.9 КаАП — за працу без акрэдытацыі пры беларускім МЗС.

    Суддзя Наталля Максімовіч пакарала журналіста штрафам у памеры 25 базавых велічыняў (612,5 рублёў). Падставай для гэтага стаў сюжэт на тэлеканале “Белсат” пра дэфіцыт угнаенняў у Пастаўскім раёне.У ім распавядалася пра праблему, якая існуе ў сельскай гаспадарцы: угнаенні гадамі ляжаць на складах, бо калгасы не маюць грошай, каб іх набыць, а фермерам-прыватнікам іх не дазваляюць прадаваць.

    Паводле Змітра Лупача, ён не лічыць сябе вінаватым, бо ён не вырабляе ніякай прадукцыі, якую яму ставяць у віну. Гэта робіць рэдакцыя, а не фізічная асоба. А збіраць і распаўсюджваць інфармацыю ён мае права згодна з Канстытуцыяй Беларусі.

    —  Я думаў, што мне дадуць большы штраф, бо гэта ў мяне ўжо пяты суд па гэтым артыкуле. І ўсе штрафы даваліся з нарастаннем: спачатку было 30 базавых велічыняў, потым 35, 40. Можа таму, што цяпер новы год, суддзя Пастаўскага райсуда вырашыла вынесці меншы штраф, а потым будзе ўжо большы? Чаму так, не ведаю.

    У 2017 годзе па артыкуле 22.9 КаАП Змітра Лупача прыцягвалі да адміністрацыйнай адказнасці чатыры разы і агулам штраф склаў 3 105 беларускіх рублёў.

    Сёлета год для журналіста зноў пачаўся з абвінавачвання за нібыта незаконны выраб прадукцыі СМІ. Паводле гэтага артыкула за 2017 год журналісты тэлеканала “Белсат” заплацілі дзяржаве каля 14 000 долараў.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці