• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    «Нуль кілабайт». Міністэрства інфармацыі страціла свой «экстрэмісцкі спіс»?

    Так званы «рэспубліканскі спіс экстрэмісцкіх матэрыялаў», які рэгулярна абнаўляе Міністэрства інфармацыі па рэкамендацыі «кампетэнтных органаў», цяпер пусты: 0 Кб, як вынікае з афіцыйнай інтэрнэт-старонкі, дзе раней можна было загрузіць пералік інфапрадукцыі, забароненай да распаўсюду. 

    Ад раніцы 23 траўня немагчыма ўдакладніць, ці не адкарэктавала  кантрольнае ведамства чарговым разам «экстрэмісцкую» статыстыку. Пераход на міністэрскім сайце з рубрыкі «дакументы» непасрэдна ў раздзел «Рэспубліканскі спіс экстрэмісцкіх матэрыялаў» выдае, што файл для запампоўкі запытаных звестак абсалютна пусты. 0 Кб («нуль кілабайт») — канстатуе сістэма побач з «іконкай» для актывізацыі працэдуры. 

    Нават калі засумнявацца ў карэктнасці звестак і прымусова задаць каманду загрузкі, урэшце адчыняецца пусты аркуш.

    Варыянтаў «знікнення» стратэгічнага спісу няшмат: альбо на ўнутраным  серверы здарылася тэхнічная аварыя і неўзабаве ўсё наладзіцца (дзеля справядлівасці, сайт установы і астатні час не адрозніваецца аператыўнасцю ды наогул цікавым і карысным кантэнтам), альбо інтэрнэт-старонка ведамства стала ахвярай неназваных хакераў-«вызваліцеляў». 

    Прынамсі нейкіх тлумачэнняў з гэтай нагоды кіраўніцтва Мінінфармацыі не дало пакуль.  

    Не выпадае сумнявацца, што «знос» базы з пералікам у масе сваёй  рэспрэсаваных незалежных медый, інфармацыйных каналаў ды  карпаратыўных чатаў наўрад ці засмуціў бы супольнасць, наўпрост пацярпелую ад цэнзуры. Хутчэй, зусім наадварот. Бо насамрэч міністэрскі спіс — гэта забарона на дзейнасць тым незалежным медыя ці ідэйным апанентам, якія так ці інакш выяўляюць нелаяльнасць да дзейнага рэжыму.

    Складана дакладна падлічыць, колькі на гэты момант канкрэтна інфармацыйнай прадукцыі трапіла ў «чорны спіс» Мінінфармацыі: новыя пазіцыі не нумаруюцца, а асобныя рэсурсы туды трапляюць комплексна — разам з сайтамі, сацсеткамі і нават таварнымі знакамі.  

    Апошнія маніторынгі толькі засведчылі, што агулам сістэматызаванае «экстрэмісцкае змесціва» ўпэўнена набліжаецца да 600 старонак — імклівы рост у 10 разоў ад пачатку татальных зачыстак грамадзянскай супольнасці пасля драматычных падзей 2020-га.

    Для прыкладу, ад моманту першага зафіксаванага запісу ў 2008 годзе пра дакументальны фільм «Урок Беларускае Мовы» на CD‑R дыску і да апошняга ў канцы 2019-га з відэаролікам «Лукашэнка. Крымінальныя матэрыялы» хапіла ўсяго 60 аркушаў. 

    Затое ўся астатняя маса — звыш паўтысячы старонак — назапасілася менш чым за тры гады.  

    Чытайце яшчэ:

    Агучана судовае рашэнне па апеляцыі журналіста Дзмітрыя Семчанкі: пакінуць без задавальнення

    Журналисты могут быть «законной военной целью»? БАЖ разбирается в правовых нюансах с юристом-международником

    26 траўня Вярхоўны суд пачне разглядаць апеляцыю журналіста Андрэя Пачобута

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Акцэнты

    Как найти и удалить свои старые комментарии в Instagram, Telegram, YouTube, TikTok и «Вконтакте»

    12.02.2024
    Акцэнты

    30-годдзе за кратамі — сёння ў зняволенай журналісткі Кацярыны Андрэевай дзень народзінаў

    Кацярына Андрэева мусіла сустрэць «круглую» дату на волі — 5 верасня 2022 года сканчаўся яе несправядлівы тэрмін у калоніі. Але не. 7 красавіка 2022-га сям’і палітзняволенай журналісткі стала вядома, што ёй выставілі новае абвінавачанне. 13 ліпеня 2022 года Кацярыну прызналі вінаватай «у выдачы замежнай дзяржаве, міжнароднай альбо замежнай арганізацыі ці іх прадстаўніку дзяржаўных сакрэтаў Рэспублікі Беларусь». Суддзя Гомельскага абласнога суда Алег Харошка прызначыў ёй яшчэ 8 год пазбаўлення волі.
    02.11.2023
    Акцэнты

    Карцер, ПКТ, ШИЗО — что это такое? Как наказывают политзаключенных, которые уже находятся за решеткой

    «Медиазона» часто пишет новости о том, как заключенных отправляют в ШИЗО, ПКТ или переводят на тюремный режим. В колониях политзаключенные не сидят в камерах, а живут в бараках, ходят на работу по улице. Но даже этих «удобств» можно лишить. По сути, осужденные отбывают двойное наказание — часто по надуманным поводам — мерзнут в одиночных камерах, дышат хлоркой и не получают письма. «Медиазона» рассказывает, как наказывают тех, кто уже наказан заключением в колониию и СИЗО.
    28.06.2023
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці