Палітвязень і блогер Сяргей Пятрухін ускрыў сабе вены ў магілёўскім СІЗА
11 сакавіка 2021
На такі крок блогер пайшоў, каб не патрапіць у камеру з "нізкім статутам". За гэта яго адправілі ў карцэр да 17 сакавіка.
Пра тое, што беларускі блогер Сяргей Пятрухін, які сядзіць у магілёўскім СІЗА, знаходзіцца ў карцэры, першым даведаўся старшыня магілёўскай абласной арганізацыі Аб’яднанай грамадзянскай партыі Уладзімір Шанцаў.
Пра здарэнне паведаміў сайт DW.
Ні ў яго, ні ў ягоных калегаў кантралёры СІЗА не прынялі перадачу для вязня і патлумачылі, што той знаходзіцца ў карцэры. «Тады я ўсё гэта распавёў адвакату, і яна яго сёння наведала», – заявіў Шанцаў у чацвер, 11 сакавіка.
Адвакат ад зносін са СМІ катэгарычна адмовілася і забараніла даваць журналістам свае кантакты. Аднак сястра Сяргея Петрухіна Алена Салавей раскрыла некаторыя падрабязнасці інцыдэнту. Яшчэ 25 лютага Сяргея Петрухіна раптам перавялі ў іншую камеру, якая па санітарным стане рэзка кантраставала з тымі, дзе ён знаходзіўся раней.
Акрамя таго, у камеры знаходзіліся два чалавекі, адзін з якіх, на думку Пятрухіна, меў яўныя праблемы з псіхічным здароўем, а другі прызнаўся, што абвінавачаны ў згвалтаванні падлетка. Адсюль палітвязень зрабіў выснову, што адміністрацыя вырашыла націснуць на яго, адправіўшы ў камеру з арыштаванымі з «нізкім статусам». Паводле неафіцыйнай турэмнай традыцыі, у выпадку доўгага знаходжаньня ў такім месцы гэты статус атрымаў бы і ён.
Петрухіну пагражае да трох гадоў калоніі.
Пятрухін запатрабаваў ад начальства перавесці яго ў іншую камеру. А пасля адмовы дастаў лязо з брытвы і парэзаў руку ў трох месцах. Медыкі наклалі яму тры швы, але адміністрацыя СІЗА за такую правіннасць адправіла блогера ў карцэр — з 27 лютага па 17 сакавіка.
Суд над брэсцкімі блогерамі Сяргеем Пятрухіным і Аляксандрам Кабанавым пачаўся ў судзе Кастрычніцкага раёна Магілёва 11 лютага. Аднак на першым жа паседжанні абвінавачаных выдалілі з залы і матэрыялы зачытваюцца без іх прысутнасці. Ім пагражае да трох гадоў калоніі. Пятрухіна, у прыватнасці, абвінавачваюць у арганізацыі і падрыхтоўцы дзеянняў, якія груба парушаюць грамадскі парадак, абразе прадстаўніка ўлады, абразе суддзі.
Падзяліцца навінамі ў сацыяльных сетках
Самыя важныя навіны і матэрыялы ў нашым Тэлеграм-канале — падпісвайцеся!
@bajmedia
@bajmedia
Больш матэрыялаў
Камітэт па абароне журналістаў асудзіў прысуд Ігару Карнею
25.03.2024
МВД внесло проект «Женщины тяжелого поведения» в список «экстремистских формирований»
05.06.2024
Прысуд рэдактару «Рэгіянальнай газеты» Аляксандру Манцэвічу пакінулі без зменаў
23.01.2024
Журналісту Дзянісу Івашыну забаранілі дасылаць у турму асадкі і стрыжні для пісання
21.12.2023
