Журналіст Зміцер Панкавец больш не працуе на «Радыё Свабода»

Дадзеную інфармацыю Беларускай асацыяцыі журналістаў пацвердзіла «Радыё Свабода».

Зміцер Панкавец. Фота: Face­book журналіста

Раней былая жонка Зміцера Панкаўца ІТ-менеджэрка Ганна Клімовіч абвінаваціла журналіста ў хатнім гвалце. Пара была ў стасунках 6 гадоў. Паводле Ганны Клімовіч, былы муж ужываў у дачыненні да яе фізічны і псіхалагічны гвалт. Зміцер Панкавец, са свайго боку, пісаў, што сам у гэтых стасунках станавіўся ахвярай гвалту.

«Радыё Свабода» афіцыйна сітуацыю не каментавала.

Зміцер Панкавец у журналістыцы амаль 20 гадоў, быў лаўрэатам журналісцкай прэміі «Вольнае слова».