• Актуальнае
  • Медыяправа
  • Карыснае
  • Накірункі працы і кампаніі
  • Агляды і маніторынгі
  • Рэкамендацыі па бяспецы калег

    Пра правы чалавека проста – Брэст, 27 верасня, 14:00, уваход вольны!

    ГА “Беларуская асацыяцыя журналістаў” запрашае калег і чытачоў на “Жывыя размовы” з праваабаронцамі ў Брэсце ў гэтую нядзелю.

    27 верасня ў жыхароў Брэста будзе магчымасць паўдзельнічаць у мерапрыемствах незвычайнага фармату і атрымаць неабходную інфармацыю, карысныя парады ці кансультацыі ад спецыялістаў па розных пытаннях праваабароны.

    На “Жывыя размовы” з жыхарамі рэгіёну ў культурным цэнтры “Грунтоўня” збяруцца юрысты і праваабаронцы грамадскіх арганізацый і ініцыятыў, якія дзейнічаюць па ўсёй Беларусі.  

    Наведнікі змогуць паразмаўляць са спецыялістамі, якія працуюць з праблемамі дыскрымінацыі, прымусовай працы, парушэння правоў грамадзян у месцах несвабоды, доступу да правасуддзя, парушэння права на юрыдычную дапамогу, доступу да інфармацыі, свабоды асацыяцый, жорсткага абыходжання з жывёламі і  іншых пытаннях, а таксама ажыццяўляюць грамадзянскі кантроль за дзейнасцю дзяржаўных органаў, займаюцца аналітычнай, адукацыйнай і асветніцкай дзейнасцю ў галіне правоў чалавека.

    У кожнага падчас мерапрыемства будзе магчымасць атрымаць экспертныя парады наконт жыццёвых сітуацый, якія на першы погляд падаюцца невырашальнымі. 

    Падчас “Жывых размоваў” будзе працаваць выстава-“сушка” паштовак “Дэкларацыя правоў чалавека ў выцінанцы” народнай мастачкі Вольгі Бабурынай, якая арыгінальным чынам увасобіла 30 артыкулаў Дэкларацыі пра агульначалавечыя каштоўнасці.

    Чакаем вас у нядзелю, 27 верасня, у культурным цэнтры “Грунтоўня” па адрасе: г. Брэст, вул. Дзяржынскага, 14.

    Мерапрыемства будзе праходзіць з 14.00 да 17.00 і пабудаванае такім чынам, што далучыцца можна ў любы момант. Таму, калі не будзеце паспяваць да пачатку, – усё адно прыходзьце! Уваход вольны. 

    Ад мінскага офіса ГА “Беларуская асацыяцыя журналістаў” удзел у мерапрыемствы возьме прэс-сакратар арганізацыі Барыс Гарэцкі.

    Самыя важныя навіны і матэрыялы ў нашым Тэлеграм-канале — падпісвайцеся!
    @bajmedia
    Найбольш чытанае
    Кожны чацвер мы дасылаем на электронную пошту магчымасці (гранты, вакансіі, конкурсы, стыпендыі), анонсы мерапрыемстваў (лекцыі, дыскусіі, прэзентацыі), а таксама самыя важныя навіны і тэндэнцыі ў свеце медыя.
    Падпісваючыся на рассылку, вы згаджаецеся з Палітыкай канфідэнцыйнасці